Si Louie At Ang Aking Mga Ala-Ala 24

Si Louie At Ang Aking Mga Ala-Ala

Written By: Baste31 - j.a.c.

Chapter 24: Hanggang Kailan

Please Click The Link For Previous Chapters: COMPILATION

 Patuloy ang naging buhay namin ni Louie, kahit medyo lumiit ang oras na magkasama kami sinusulit namin ang bawat araw na magkasama kami. Paminsan minsan dumadaan ako sa school nila para makita sya kapag pareho kami ng oras ng uwi. Ipinakilala rin sa akin ni Louie ang ilan sa mga classmates nya na naging kaibigan nya. 

Minsan sumasama ako sa kanila kapag gumigimik sila, kuya nga ang tawag nila sa amin ni Louie dahil sa age gap namin sa kanila. Pero ok na yon kesa "tatang" na tawag nila kay Louie kapag nagbibiruan sila. Hehe.. Mabilis namang dumating ang 23rd birthday ko. 

Ayaw ko nang maghanda kasi napaka ordinaryo na non para sa'kin kaya sabi ko kina Mama na huwag na lang. Sabi ko lalabas na lang kami nila Paul para gumimik, pero ang totoo, ako at si Louie lang ang magkasama. Kinausap ko na si Paul na ang sabi ko sa parents ko ay magkikita kita kami pero ang gusto ko sana ay maging special 1st date namin ito ni Louie. 

Mula kasi dati hindi pa kami nagkakaroon ni Louie ng official date, at dahil birthday ko pumayag naman si Paul sa gusto ko kaya masaya akong kami lang ni Louie ang magkasama sa birthday ko. Naghalf-day lang ako sa trabaho ko ng araw na yon. Sakto namang 3pm lang ang uwian ni Louie galing school. Paglabas nya ng gate ng school nila hindi ko maitago ang saya at excitement na nararamdaman ko. 

Napapa-hum pa ako at nagt-tap sa stirring wheel ng kotse ko. Ang gwapo talaga ni Louie sa suot nyang uniform, white polo, black slacks na sakto ang sukat sa kanya, black shoes, naka back pack din at may dalang t-square na nakalabas sa zipper ng bag nya. Studyanteng studyante ang dating pero napaka gwapong tingnan, ang sarap yakapin ni Louie, lalo na ng mapangiti sya ng makita ang nakapark kong sasakyan sa di kalayuan, hay.. Nakakatunaw talaga ang tingin nya.

Nang makalapit na si Louie sa kinaroroonan ko, agad nyang binuksan ang pinto ng kotse at sumakay. Pagsara nya ng pinto, happy birthday Christian agad ang sumalubong sa akin at isang nakakatunaw na ngiti, ngumiti rin ako sa kanya. Gusto nya sana akong ipagdrive pero ok lang naman sa aking magdrive, 

"ako na lang, baka mahuli pa tayo. Wala ka pa namang lisensya! Hehehe.." ang biro ko sa kanya. 

Sa daan nag-isip kami ni Louie kung saan magandang pumunta at napagkasunduan namin na manuod ng sine, siya daw ang taya. Nakakapagtabi pa naman daw sya ng pera, at isa pa tuwing lalabas kami ako daw ang palaging nagbabayad. Pumayag naman ako sa gusto nya, sarap ngang isipin na ang date namin mismo ang regalo nya sa akin. Nagpark lang kami ng kotse at tinungo ang cinema ng Mall. Iniwan naman ni Louie ang gamit nya sa loob ng kotse ko. Hindi ako mahilig manuod ng tagalog kaya Harry Potter ang pinanuod namin, at tulad ng napag-usapan si Louie ang nagbayad ng ticket at bumili ng makakain namin habang nanunuod. 

Weekdays at langaning oras non pero medyo maraming tao pa rin ang nanunuod. Pumwesto kami sa bandang gitna kung saan maluwag at doon inilapag ang dala naming pagkain. Habang nanunuod kami ng movie, buong oras naming hawak ang kamay ng isa't-isa. Minsan pa nga bigla na lang kaming magkakatingin nan at pareho kami ng tanong "bakit?" tapos magkakangitian na lang kami at hahawakan ng mahigpit ang kamay ng isat isa. 

Wala namang makakapansin sa amin dahil may dalawang space na upuan bago ang kasunod na katabi namin. At isa pa, malamang hindi naman namin sila mga kilala kaya hindi naman ako nag-aalala. Ang pinaka hindi ko makakalimutan ay ang pag-akbay sa akin ni Louie sa kalagitnaan ng palabas, kaya masasabi kong this is a real date! Heheh.. Pagkatapos ng movie, kumain kami ni Louie sa isang fastfood restaurant at naglakad lakad sa Mall. 

Ng may madaanan kaming photo booth inaya nya akong magpapicture kami ng magkasama. Hindi ko na pinansin ang tao sa paligid at parang magkabarka kami ni Louie na pumasok sa booth. Medyo private naman dahil may kurtina, hindi kita sa labas ang mga nagpapakuhang tao sa loob. Nang maghulog na ako ng coins, nag-umpisa ang timer ng camera at nagpose kami ni Louie ng nakakatawang mga pose, nandyan yung susungayan ko sya, straight body na akala mo magpapakuha ng 2x2 i.d., may feeling macho pa na magpapakita ng muscle. 

Pero ang last two shots ang hindi ko inaasahan, yung una ay umakbay sya sa akin at ngumiti ng matamis sa camera at yung huli ay humalik sya sa pisngi ko. Nang matapos ang picture taking namin, agad namang lumitaw ang pictures sa machine. Napakasaya ko ng tingnan namin yung pictures namin, mini wallet size lang yon pero kuhang kuha lahat ng saya at imosyon namin habang nagpapakuha. 

At pinaghatian namin ni Louie ang mga pictures. Sakin napunta yung picture na humalik sya sa akin at kay Louie naman napunta yung litratong nakaakbay sya sa akin. Ito na yata ang pinaka unforgettable birthday ko sa lahat, walang party, walang beer, pero masaya, I mean sobrang saya! Nang magdidilim na, hindi nagpahatid si Louie sa kanila, sa halip sumama sya sa bahay namin para maihatid ako hanggang makauwi. Sinalubong kami ni Mama pagpasok ng bahay, si Papa naman ay nagbibihis daw kakauwi lang. 

Inalok kami ni Mama ng food pero tumanggi kami ni Louie, sabi namin kakakain lang namin "nila Paul" sa labas at nagpaalam na papanik muna sa kwarto ko. Pumayag naman si Mama at hinayaan na kaming umakyat. Nang makapanik na kami ni Louie sa kwarto binati nya ulit ako ng Happy Birthday, hindi na rin daw sya magtatagal dahil may pasok pa sya bukas. 

Pero hindi ko matiis na hindi sya yakapin at halikan kaya bago sya lumabas ng kwarto niyakap ko muna sya ng mahigpit at humalik ako sa kanya ng masiil. Nasa ganoong posisyon kami ni Louie ng bumukas bigla ang pinto ng kwarto ko. Napabalikwas ako sabay layo kay Louie ng makita ko si Papa na nakatayo hawak ang paper bag na mukhang regalo para sa akin, sa labas ng kwarto.

"Pa!" sa isip ko patay kami ni Louie nito kay Papa. Walang pangangatwiran ang makakapagpalusot sa amin ni Louie sa problema naming ito. 

"Whats --?! Louie ano ang ibigsabin nito?" humarang ako kay Louie na mukhang nabigla rin sa nangyari at kinausap si Papa. 

"Pa, let me explain." 

"explain what? Ano ba ang explanation sa nakita ko." lumapit si Papa sa kinaroroonan namin ni Louie. 

Binagsak na lang niya ang dala sa sahig at malakas na hinawi akong parang papel. Sabay suntok sa mukha ni Louie. "Walang h*ya ka! Tinrato kita bilang anak pagkatapos, ito ang igaganti mo sa akin h*yop ka!" bagsak si Louie sa kama sa suntok na yon ni Papa. Madali naman akong pumunta sa likod ni Papa para ilayo sya kay Louie. 

"Hindi ko akalaing ganyan ka Louie! Bakla! Kalimutan mo na ang lahat ng pangako ko sayo! Lumayas ka sa bahay ko h*das!" hindi makagalaw si Louie sa kinaroroonan nya at kitang kita ko kung papano nya pahirin ang dugo na dumadaloy palabas sa gilid ng labi nya. 

"Umuwi ka na Louie, ako na bahala kay Papa." ang utos ko sa kanya. 

"h*yop ka, hindi ka na nakuntento sa kabaitan namin sayo. Pati ang anak ko --!" Tumayo si Louie at lumakad papunta sa pinto, magsasalita sana si Louie ng dumating si Mama at si Manang. 

"Diosmio, ano ang nangyayari dito?" ang sabi ni Mama. "Umalis ka na dito h*yop ka!! Baka hindi ako makapagpigil at kung ano magawa ko sa inyo!" napatakip na lang ng bibig si Mama sa nakikitang pagwawala ni Papa. 

Si Louie naman ay dumirecho na pababa ng bahay at umalis. Ng hindi na makagalaw si Papa sa pagkakayakap ko sa kanya, parang nawalan naman ito ng lakas at napaupo na lang sa sahig malapit sa kama. Si Mama naman ay agad na lumapit kay Papa at inutusan si Manang na kumuha ng tubig. 

"Pa ano ba ang nangyari? Bakit kayo biglang nag-away dito?" ang lalim ng hinga ni Papa ng sandaling iyon, nakayuko lang. 

"kailan nyo pa kami niloloko at hanggang kailan nyo kami gustong lokohin Christian?"

To Be Continued