Bliss Chapter 6

“bliss”

Chapter 6

            “tulog ka na?” maya maya tanong ni Raymond pero di ako sumagot lumipas pa ang ilang sandali pero di parin ako gumalaw at nagsalita. gusto ko lang patunayan na hindi sya ang humalik sakin. Na sana panaginip lang talaga yun.

            Medyo nakakatulog na talaga ko nun pero wala prin ginagawa si Raymond narinig ko lang sya na naglalakad pero di ko alam ginagawa niya. Nanatili lang ako nakapikit at nagpanggap na tulog. Maya maya umupo sya sa gilid ng kama.

            “alam ko hindi ka tulog?” sabi nito, nagulat naman ako sa sinabi niya. Ibig sabihin alam niya nagpapanggap lang ako na natutulog. Unti unti kong dinilat ang mata ko ngunit sa kisame ako tumingin. Di ko sya binigyan man lang ng sulyap. Nanatili akong walang reactions. “bakit?” maya maya tanong nito.

            “huh anong bakit?” umupo na ko sa kama, nakita kong nakapagpalit na sya ng damit at seryosong nakatingin lang sakin.

            “bakit ka nagkukunwareng tulog dyan” 

            “hindi ah may iniisip lang ako.” Nakangiti kong sabi sa kanya. Tumayo naman ako at lumapit sa book shelve niya. “dami mo  palang libro noh .” dagdag ko pa para maiba ang usapan. Masyado syang seryoso at hindi ko alam tumatakbo sa isip niya. Sa totoo lang di ko alam gagawin ko di rin ako mapakali mabuti nalang may nakita akong board game “wow my scrabble ka tara layo tayo.” Sabi ko ng makita ko yung board game niya. Naexcite talaga ko dahil favorite kong laro yun. Napangiti naman sya at kinuha sakin ung board game.

            “ upo ka na” sabi nito na nakangiti na. lihim naman ako natuwa dahil tuluyan ng nalihis ang topic namin.

            “favorite ko yan eh” sabi ko na todo ngiti. Mahilig talaga ko sa board game yung tipong napapaisip ako. Naexcite pa ko dahil sya ang kalaro ko.  dun ko napagtanto na special nga sya sakin pero ginugulo rin ako ng nararamdaman ko kay Alvin. Bakit ba ganito kagulo haixt. Tinitigan ko naman sya sa mukha.

            " bakit ka naman ganyan makatingin?" natatawa nitong tanong.

            " gwapo mo kasi." biro ko nalang sa kanya napakamot naman sya ng ulo. Sana makalimutan niya na ng tuluyan si bea. Tutulungan ko na lang sya sa abot ng aking makakaya.

            " alam ko naman?" saad nito na nakangiti sabay pacute.

            "shempre joke yun?!" binatukan niya ko natawa nalang ako sa reaction niya. Ang gwapo niya talaga. Naisip ko nalang

            Kinabukasan pumasok na si Alvin pero halata parin ang lungkot sa mga mata nito,  hindi parin kami kinakausap. Napatingin naman ako kay che parang wala lang itong problema dahil nakikipagkwentuhan lang to sa mga kaibigan niya ni hindi man lang tinapunan ng tingin si Alvin. Hanggang maguwian na sabay sabay parin kaming tatlo kaibahan lang napakatahimik namin. Walang nagsasalita.

           “Tara sa park mo na tayo.” Suhestyon ko, tumango naman si Raymond. Hanggang makarating nga kami sa park umupo kami sa isang bench sa ilalim ng puno.

           Nagpakawala ako ng malalim na buntong hininga dahil di ko na kaya ang katahimikan. Pero napansin ko may tumulong luha sa mata ni Alvin. Nataranta naman ako ganun din si Raymond.

          “Bakit tol ano bang problema?” tanong ni Raymond na bakas ang pag-aalala. Di parin sya nagsalita. Lumapit ako sa kanya at niyakap sya.

          “gusto mo bang ikwento baka makatulong kami?” tanong ko habang hinahagod ang likod niya. Himihikbi lang sya. Lumipas ang ilang sandali na ganun parin ang pwesto namin. Hangang magsalita sya.

          “ wala na kami ni che.”  Di naman ako nagulat dahil alam na naman naming na iyon ang dahilan base sa kilos nila ni che.

           “sus marami pa dyan ok lang yan hindi sya worth it” sabi ko nalang. “ano ba kasing dahilan” tanong ko pa.

           “ may iba syang mahal” mahina nitong sabi. Naramdaman ko na nasaktan talaga sya. Si Raymond naman tahinik lang na nakikinig.

           “ tanga naman niya sa gwapo mong yan pinakawalan ka pa.”  nakangiti kong sabi." sya ang nawalan noh di naman sya ganun kaganda” natatawa ko pang sabi. Natawa naman sya dahil sa sinabi ko. nabatukan naman ako ni Raymond pati sya natawa sa sinabi ko. “aray naman” reklamo ko sa kanya.

          “totoo naman sinabi ko ah di naman kayo bagay kasi sobrang gwapo mo para sa kanya.”  Natatawa ko pang asar sa kanya. Di naman niya mapigilan tumawa

          “mas gwapo ako sa kanya noh”  kontra ni Raymond na nakangiti. siniko ko naman sya. “sige na nga mas gwapo ka sakin pero ngayon lang” dagdag pa ni Raymond.

          “binobola niyo lang ako eh” nakanguso nitong sabi. Di ko alam parang iba naramdaman ko ng tingnan ko ang reaction niyang yun. Ang gwapo niya tanga talaga si che pinakawalan pa sya.

        Napangiti naman ako “totoo ang gwapo mo kaya hindi ikaw ang nawalan kundi sya, pakita mo na hindi ka apektado OA mo eh!?” sabi ko pa

       “ oo nga marami pa dyan tol” dagdag pa ni raymond

       “ salamat sa inyo huh lalo na sau carlos” lumapit sya at hinalikan ako sa pisnge natulala naman ako sa ginawa niya. Para akong naestatwa.

       “ganyan ba dapat reaction kapag nahahalikan ng gwapong tulad ko?” tapik ni Alvin na todo ngiti. Hinawi naman ni Raymond si Alvin  at humalik naman sa kabilang pisnge ko. para naman akong naestatwa. Di ko alam gagawin ko. tawanan naman silang dalawa.

       “Tara na tol” yaya ni Alvin kay Raymond samantalang ako tulala parin dahil sa pagkabigla. Nagsimula naman silang maglakad. 

        “hoy magpapaiwan ka ba dyan?” ngiting asong tawag ni Raymond. Para naman akong natauhan kaya tumakbo ako sa kanila. Nang makalapit na ko parehas ko silang binatukan ng sobrang lakas. “Aray naman” parehas nilang reklamo sakin

         “eh bakit kasi kayo nanghahalik kita niyo ng wala pang nakakahalik sakin eh” sabi ko na nakanguso, tawanan naman silang dalawa.

          “gusto mo isa pa?” asar pa ni Raymond “gago” nasabi ko nalang na sinundan ng tawanan ng dalawa. Habang naglalakd na kaming tatlo hindi sinasadyang makaslaubong namin si bea.

           " hi. " bati nito.

           " hi din." bati naman ni alvin dito.

           " tara na." saad ni raymond nagtuloy naman kami sa paglalakad  at nilampasan si bea. Nilingon ko lang sya kita ko na malungkot ang mukha niya, naaawa ako sa kanya pero mali ang ginawa niya kay raymond.

           " di ba yun yung muse ng school natin?" tanong ni alvin. Tumango lang ako si raymond naman parang walang narinig. " kilala niyo sya?" tanong pa ni alvin

           " tara na?" saad ko nalang, nagkibit balikat lang si alvin.

           Kinabukasan nga parang walang nagyare kay Alvin balik na uli yung dati niyang sigla di man nagsasalita pero halata kay che na apektado sya sa nakikita kay Alvin.  Tingin ko may pagtingin parin to sa kaibigan namin.

       Isang araw habang recess naiwan ako sa room dahil magkasamang bumili ng snacks si Alvin at Raymond. Di na ko sumama dahil may kailangan akong tapusin. Maya maya umupo sa tabi ko si che. Nginitian ko lang sya.

      “uhm” simula nito

      “why” tanong  ko naman.

      “kamusta na si Alvin?” tanong nito na hindi makaderetso ng tingin.

      “moving on” nakangiti kong sabi nakita ko naman ang lungkot sa mga mata niya. Nangunot naman ang noo ko. “bakit mo kasi sya iniwan?”  nagtatakang tanong ko sa kanya.

      Bumakas sa mukha niya ang pagtataka. “ hindi ako nangiwan kungdi sya.”  Paliwanag nito.  Naguluhan naman ako,  para naman napansin niya yun  “ sabi niya hindi na daw niya ko mahal dahil may mahal syang iba.” malungkot nitong sabi.

      Nakaalis na si che pero parang nakalutang parin ang isip ko, kung si Alvin ang nang-iwan eh sino ang totoo niyang mahal?, saka bakit kailangan niyang magsinungaling samin.. may nalalaman pa syang paiyak iyak. Di ko tuloy alam kung sino ang paniniwalaan ko. possible kayang si Alvin ang humalik sakin nun.. naguguluhan talaga ko.

      “Hoy anung iniisip mo” bungad ni Raymond pagdating nila ni Alvin galling sa canteen. Di naman ako nakasagot sa kanila nanatili ako tulala nagiging hobby ko na ata ang tumulala.haha “hoy?!”ulit ni Alvin na may halong pagtataka. Napatingin naman ako sa kanya sinubukan kong basahin ano ba nasa isip niya. Pero dahil wala akong powers di ko nabasa un heheh.

      “ah wala” nakangiti kong sabi. “Ano yang binili niyo pahinge bilis.” Tumingin ako sa likod nakita ko si che na malungkot na nakatingin samin, naawa naman ako sa kanya ano nga ba talaga ang nangyare sa kanila.

       Nag paiwan ako sa kanila ng uwian na gusto ko din kasing mag-isip at saka nakapangako kasi ako kay irish na sasamahan siya sa librabry may research kasi kami pero dahil matagal pa yun di namin masyadong iniisip, si irish lang ata ang nagmamadali ayaw daw niya na kung kalian malapit na saka mga magmamadali atleast sya daw tapos na.

      Nasa librabry na kami nun pagkatapos ay umupo kami sa isang gilid halos hindi kami naguusap, kumuha lang ako ng book na pwede kong basahin hinayaan ko lang sya sa mga gagawin niya magsasalita  lang ako kapag tinatanung ako. 

     “bakit ang lalim ng iniisip mo?” tanong ni irish ng mapansin niyang wala sa libro ang atensyon ko.

     “ah wala” tipid kong sagot binaba ko naman sa mesa yung libro sabay kuha ng cellphone sa bulsa ko at tiningnan kung anung oras na. pagtingala ko nakatingin parin sakin si irish.

  

     “why?” tanong ko

     “wala” maikli nitong sagot saka binalik ang atensyon sa librong binabasa.

     Muli ko naman kinuha ang libro na binabasa ko pero wala parin dun ang atensyon ko nasa isip ko parin si Alvin at che bakit nga ba sila naghiwalay. Ang hirap naman. Binaba ko ang libro saka tumingin kay irish. Napansin niya naman ako.

     “bakit?” tanong nito

     “wala lang nabibinge ako sa sobrang tahimik.”  Nakangiti kong saad sa kanya.

     “gusto mo na umuwi?” tanong niya pero umiling lang ako sa kanya saka ngumiti. "alam mo naman siguro na gusto kita diba?" napatitig lang ako sa kanya dahil sa sinabi niya

      "uhm gusto mo ko?" kunwareng nagtatakang tanong ko.

      " manhid mo naman." irap niya sakin

      "uhm kasi irish uhm ano.?"

      "Ano?"

      "uhm"

      "may gusto kang iba.?" tumango lang ako sa kanya, sya naman ay ngumiti lang.

      "bakit ka naman nakangiti?"

      "alam ko na kasi na may gusto kang iba, gusto ko lang mangaling mismo sayo? Pwedeng bang malaman kung sin0 .basta wag lang kala raymond or alvin huh?"

      "ah eh"

      "omg!! Isa sa kanila? you mean gay ka??"

      "hindi noh!" agad ko naman na kontra sa kanya.

      "ows hindi nga?"

      "oo nga! Pagpatuloy mo nalang yang ginagawa mo baka bigla kitang mahalikan jan." 

      "sure kiss me baby." nagpouty lips pa to dahil dun natawa ko "can we still be friends?" tanong ni irish sakin.

      "sure" nakangiti kong saad sa kanya, nagulat nalang ako ng nakita ko si bea na palapit sa inuupuan namin ni irish.

       " hi" bati nito sakin, tumango lang ako. " pwedeng makiupo?" tanong pa nito.

       " sure" saad ni irish. " wait huh may kukunin lang akong book" paalam ni irish saka tumayo . Naiwan naman kaming dalawa ni bea tiningnan kolang sya pero umiwas sya ng tingin sakin. Alam ko may gusto syang sabihin sakin.

      " may sasabihin ka ba?" tanong ko sa kanya.

      " alam ko hindi tayo close pero pwede mo ba kong tulungan kay makipagbalikan kay raymond?" saad nito na halatang naiilang.

      "sorry huh hindi kita matutulungan nakwento na sakin ni raymond kung ano yung ginawa mo sa kanya, kaya pwede tigilan mo na yung pananakit sa kaibigan ko?" saad ko sa kanya.

      " pinagsisihan ko na yung nangyare samin?" saad nito

      " huli na para magsisisi." nakita ko naman na tumulo ang luha niya.

      " magiging kami uli kahit walang tulong galing sayo." saad nito habang pinupunasan ang luha.

      " wag ka ng umasa?" pilit ang ngiti ko sa kanya. Nagulat naman akong hawakan niya yung kamay ko. 

      " gagawin ko ang lahat bumalik lang uli sya sakin." hinugot ko naman ang kamay ko. Dun anaman dumating si irish nakita ko naman na kumnot ang noo niya.

      " uhm alis na ko.?" paalam ni bea tiningnan niya lang ako. Hindi ko alanm kung anong plano niya pero kinaabahan ako.

      Hanggang nagyaya na si irish marahil napagod na to sa mga ginawa niya hinatid ko naman sya sa sakayan pagkaalis ng tricycle na sinasakyan binigyan niya lang ako ng isang matamis na ngiti bago sya sumakay nginitian ko lang din sya pagkatapos ay tumuloy na ko sa paglalakad.

      Malayo layo na rin nalalakad ko ng mapansin kong iba na yung dinadaanan ko. masyado yatang malalim iniisip ko kaya mali na pala ang dinadaan ko. huminto ako sa isang tindahan para bumili ng softdrinks.

     “Pabili po” tawag ko pero nagulat ako ng Makita ko ang isang pamilyar na mukha.

     “uhm ikaw pala kuya. Ano yun” sabi ni Jerome na nakangiti. Natulala naman ako mukang ok na to at lalong gumwapo. “kuya ano bibilihin mo?” ulit nito

     “ah eh isang royal” nauutal kong sabi napangiti naman sya. Pagkatapos kumuha ng softdrinks sa ref at nilagyan ng straw pagkatapos ay inabot naman niya sakin.

     “salamat” sabi kasabay sipsip sa softdrinks.

     “ ahm kuya may bayad yan” nakangiti nitong sabi  natawa naman ako. Nagabot ako sa kanya ng bente. Pagkatapos ay binigyan niya ko ng sukli

     “anong ginagawa mo dito kuya?” tanong nito

     

     “naligaw lang” nakangiti kong sabi, natawa nman sya “tanda mo na naliligaw ka pa” asar nito. Di ko naman mapigilan mangiti. Ang cute talaga niya nasabi ko nalang sa sarili ko.

      “seryoso di ko kasi napansin na iba na pala dindaanan ko.” seryoso kong sabi

      “lalim siguro ng iniisip mo.. broken hearted ka siguro kuya?” nakatawa nitong saad.

      “hindi noh” sabi ko na umiwas ng tingin.

      “pwede mo ishare sakin kuya” sumeryoso naman ako, di ko alam parang gusto ko magkwento sa kanya feeling ko kasi ang gaan ng loob ko sa kanya. Nakangiti lang sya ng tiningnan ko.

      “ naguguluhan ako sa nararamdaman ko” simula ko sa kanya.

      “and?” 

      “ para kasing nafafall ako sa kaibigan ko.” sabi ko na umiba ng tingin. Nakangiti naman sya. Hindi ko naman sya matingnan dahil nahihiya ako. Bakit nga ba nag-open ako sa taong di ko naman close. Haixt bahala na. kokotongan ko nalang to kapag pinagkalat. Hehe

      “ano naman masama dun?”  nagtatakang tanong niya.

      “masama kasi lalake ang bestfreind ko. At napakakumplikado ng sitwasyon” di ko alam bakit nasabi ko yun. Haixt sarap batukan ng sarili ko. gusto ko manuntok ng mga oras na yun bakit ba nagoopen ako dito saka sigurado na ba ko sa nararamdaman ko.sino nga bang bestfriend ang tinutukoy ko si raymond o si alvin? haixt ang gulo may problema pa nga yung dalawa sa pagibig.. Pagkatingin ko sa kanya nakangiti parin sya. Umiba naman ako ng tingin dahil nahihiya ako.

       “ok lang yan kuya. Isipin mong mabuti kung ano ba talaga. Saka mo sabihin sa kanya kapag sigurado ka na. At kapag hindi na kumplikado” napatingin naman ako sa kanya, nakangiti parin sya “salamat” sabi ko nalang. Tumango naman sya.   

       “di ka ba naiilang sakin?” tanong ko sa kanya.

       “hindi naman bakit kuya?” sagot niya inabot ko naman sa kanya yung bote ng softdrinks. Ngumiti lang sya.

      

       “syempre ganito ako?” 

       “hindi naman, tao ka parin naman. Saka ganyan kasi si kuya ko kaya naiintidihan kita. At sa pagkakaintindi ko nasa identity crisis ka pa.” paliwanag nito. Napangiti naman ako sa kanya. “salamat uli” 

     “ok lang kuya kapag kailngan mo ng kausap maligaw ka uli dito”  biro niya pa.

     “eh ikaw kamusta ka? Nung huling kita ko kasi sayo tulo pa uhog mo.?” Balik kong biro

       “grabe naman kuya di naman tumulo uhog ko nun.” Nakatawa niyang saad “ok na naman ako moved on na”  todo ngiti niyang sabi. Napatango naman ako at ngumiti “good” sabi ko nalang.

       Sa unang pagkakataon may nakaintindi ng nararamdaman ko.Isang taong di ko naman masyadong kilala pero nasabihan ko ng problema ko. napangiti naman ako. , nagkwentuhan pa kami ng ilang sandali pagkatapos ay nagpaalam na ko sa kanya dahil halos maggagabi na. umuwi ako sa bahay na magaan ang loob gusto ko isipin kung ano nga ba tong nararamdaman ko. 

       Matutulog na sana ako ako ng may magtxt sakin ng tingnan ko naman si Alvin pala.

       “Gising ka pa” 

       “oo bakit?” nagtaka naman ako dahil halos pasado alas onse na non dapat ay tulog na sya dahil maaga pa pasok bukas. Ako naman ay di makatulog dahil sa pagiisip sa nararamdaman ko.

       “ah wala lang” sagot niya

       “matulog ka na maaga pa tayo bukas” utos ko nalang sa kanya.

        “may tanong ako kung pwede” reply niya. Napansin ko na medyo seryoso ata ang loko.

         “ano naman?”  reply ko agad sa kanya. Medyo matagal sya bago nagreply halos makatulog na ko dahil antok na antok na talaga ko.. Inisip ko nalang baka nakatulog na sya pero maya maya nagvibrate nanaman ang cellphone ko. sya uli.

         “ May mahal ka na ba?” reply niya. Nangunot naman ang noo ko. bakit naman to nagtatanong nang ganito. Iniisip ko pa nga lang kung ano ba talaga ang nararamdaman ko. at dahil dun kaya hindi pa ko natutulog ng ganung oras hehe.

         “Ewan ko.”  maikli kong reply sa kanya.

         “bakit ewan?” reply nia agad

         “ di ko pa sure pero may mahal ako matagal na.. ikaw at saka si Raymond bestfriends di ba.?heheh” sagot ko sa kanya.

        “ganun? Mahal rin naman kita, sige tulog na ko goodnight.”  Reply naman niya.ilang sandali akong natigilan sa text niya. Ilang beses ko binasa bakit parang iba ang dating sakin. Binura ko nalang sa isip ko maya maya lang ay nakatulog na nga ako.