The Yuppie Is My Papi 3

Part1 Part2

Pagkagising na pagkagising pa lamang ni Charito'y nakitaan na ng kaniyang Nanay at Bunsong Kapatid na si Jun-jun ang pagkawala nito sa mood kaya nama'y pinabayaan na lamang nila ito sa kakadakdak habang silang lahat ay nag-aalmusal sa mesa.

"Wala na ba silang pupuwedeng ibalita sa Dyaryo't puro na lang Problema ni Ganito at ni ganiyan..."

"Ano ba yan! Kamusta naman ang presyo ng mga ito..."

"Hindi na ba magbabago ang mga Politician at siraan sila ng siraan..."

"Blah... blah... blah..."

Ang sunod-sunod na reklamo ni Charito sa harapan ng mesa habang mabilis nitong binubuklat ang kaniyang pinabiling Inquirer BroadSheet. Ang tanging binabasa lamang ni Charito'y ang mga Headers ng mga Articles na laman ng Broadsheet at nag-aAssume na lamang siya sa kung ano ang nilalaman ng balita.

"Kala ko ba Day-Off mo?" Ang ani ng tatay ni Charito sa kaniyang anak para lamang maputol ang kung ano-anong mga nirereklamo nito at kung hindi niya pipigilan sa kakadakdak ang anak ay baka pati silang lahat ay mahawa sa pagkaBadTrip nito.

"Hay naku Daddy talagang Day Off ko ngayon pero pinapasok ako ng bago naming Boss! KAMUSTA NAMAN! Blah... Blah... Blah..." Ang sunod-sunod na malaArmalite na sumbat at reklamo ni Charito. Hindi talaga maawat na masumbatan niya ang kanilang bagong Boss.

"ANG YABANG-YABANG..."

"KALA MO KUNG SINONG MAKAASTA..."

"INGLESERO..."

Umiling-iling na lamang ang tatay ni Charito dahil nagsisisi siyang natanong pa niya ang kaniyang anak. Ganoon din naman ang Nanay nito't itong si Jun-jun at medyo nabibingi na rin sila sa bunganga ni Charito.

"Ate baon ko!" Ang mabilis na sambit ni Jun-jun sa kaniyang kapatid pagkatapos na pagkatapos nitong mag-almusal.

"Wala bang natira sa ibinigay ko kahapon? Blah... blah... blah..." Ang walang patid na sermon ni Charito sa kapatid dahil P100 ang ibinigay niya dito kahapon.

"Ay oo nga pala. Sige pasok na ako ate!" Ang mabilis na sagot naman ni Jun-jun sa kaniyang ate sabay bigay niya ng halik dito sa pisngi at pagkatapos ay mabilis na humalik na din ito sa kaniyang Nanay at Tatay.

"Mag-iingat ka!" Ang pahabol ng Nanay nito kay Jun-jun dahil nagmamadali na itong lumabas ng bahay para pumasok na't para na din makaiwas sa pagbubunganga ng kaniyang Ate Chai.

"Sabay ka na sa akin Chai!" Ang sambit naman ng tatay ni Charito para maisabay na ang anak sa pagpapasada niya ng taxi ng kanilang kapitbahay.

"Mabuti pa nga! Sige na Chai at baka maLate ka!" Ang pagpupursige naman ng Nanay ni Charito habang ito na mismo ang nagbitbit sa bag ng anak habang inaakay ito palabas.

"Naku naman Mommy! Ano naman ngayon kung maLate ako! Wala akong pakialam..."

"Blah... blah... blah..."

Ang walang tigil na reklamo ni Charito habang lumalabas ito ng bahay na siya namang ipinagpapasalamat ng Nanay nito't sa wakas ay matatahimik na ang buong bahay.

"Ganyan na lang ba ang mga news sa radyo..."

"Blah... blah... blah..."

Walang tigil pa din ang pagbubunga ni Charito sa loob ng taxi at kahit na binuksan na ng Tatay nito ang radyo'y nakakakita itong si Charito ng ikakareklamo pa niya.

"Mag-iingat ka anak!" Ang pagod na pagod na sambit ng Tatay ni Charito sa anak nang maihatid na niya ito sa employee's entrance ng SM San Lazaro. Pakiramdam kasi ng tatay ni Charito'y tatlong araw siyang pumasada dahil sa kakangakngak ng anak.

"Mag-iingat din po kayo Daddy! Hay ano bayan! Nakalimutan kong maglagay ng kape!" Ang biglang nasambulat ni Charito sa kaniyang ama nang maalala niyang wala pa palang laman ang kaniyang fake na Starbucks na Mug.

"Kasi naman kayo Daddy eh! Minamadali n'yo ako! Blah... blah... blah..." Ang walang humpay na reklamo ni Charito at ngayon nama'y napagdiskitahan na nito ang kaniyang ama.

"O siya papaano! Ingat ka!" Ang mabilis na sambit ulit ng tatay ni Charito at mabilis nitong isinara ang pintuan ng passenger's seat upang hindi na marinig ang mga yak-yak ng anak at pagkatapos ay saka nito pinaharurot ang kaniyang taxing minamaneho.

"Whew!" Ang nasambit na lamang ng tatay ni Charito't dahil paa ba siyang nabunutan ng tinik dahil naRelax at naging payapa na siya sa wakas.

"Hindi pa nga ako tapos makipag-usap! Ano ba yan!" Ang sat-sat ni Charito habang tinitignan nito ang likuran ng humaharurot na taxi ng kaniyang tatay.

"WHATEVER!!!" Ang naiinis na sambit ni Charito at talaga namang Bad Trip na Bad Trip ito sa araw na ito. Nagdadabog na tinungo ni Charito ang tindahan upang mapalagyan na nito ng kape ang kaniyang pekeng StarBucks Mug.

"HA???!!!" Ang gulat na sinambit ni Charito nang sinabi sa kaniya ni Sir Benedict ang kaniyang gagawin sa araw na iyon.

"Is there any problem?" Ang seryosong tanong naman ni Sir Benedict sa Sales Lady.

"NagTime in ako bilang Saleslady at hindi isang Secretary!"

"Nag-aral ka naman diba ng Secretarial. Kailangan ko lang talaga ng Sales Report for the last two years hanggang ngayon."

"Ayan na nga sa harapan n'yo Sir ang mga report!" Ang naiinis na sambit ni Charito kay Sir Benedict sabay turo niya sa mga folders na nasa ibabaw ng desk ng kaniyang boss. Alam na alam ni Charito na iyon ang mga sales report ng kanilang brand dahil siya mismo ang gumawa nito.

"But I need that to be encoded!"

"ANO???"

"I will submit it to main office for my report."

"Eh di simulan n'yo ng gawin." Hindi na talaga mapigilan ni Charito na ipakita sa kaniyang bagong boss ang kaniyang pagkainis.

"I can't. You did the report very professionally and the only person who will really understand that report will be you. Kaya mo yan at maganda naman kasi ang pagkakaGawa mo sa report. Very proffesional."

"Talaga... Este Really???!!!" Ang nagulat na sambit naman ni Charito. Hindi talaga mapigilang magiliw ni Charito sa tuwing may pumupuri sa kaniya.

"Typical..." Ang biglang naisip ni Sir Benedict nang mahuli niya ang kiliti ng kaharap na Saleslady.

Labis ang kasiyahan ni Sir Benedict dahil talaga namang hindi pa rin siya nagmimintis sa kaniyang mga technique. Proud na proud kasi siya sa kaniyang ability na magpaCharming sa kahit sino mang babae. NakaJackPot siya dito kay Charito.

"WAIT LANG!!!" Ang biglang at maarteng nasambit ni Charito nang mahimasmasan ito na siya namang ikinagulat ni Sir Benedict.

"Ano na naman ba?"

"Ang sasahurin ko sa pag-o-OT eh sahod lang ng pangSalesLady!" Ang entrada ni Charito na ikinalunok naman ng laway ni Sir Benedict.

"Eh dapat may additional!"

"HA???!!!"

"Ayaw n'yo ata Sir eh??? Uwi na lang ako!"

"Hindi... hindi naman sa ganoon... Walastik ka din ano?"

"Nagpapakatotoo lang ako Sir! P1,500! Pakyaw na yan hanggang sa matapos ko ang pagEncode nito at pagGawa ng report!"

"ANG MAHAL NAMAN!"

"Ayaw n'yo talaga ata eh. Uwi na lang ako!"

"Deal!" Ang mabilis na sambit ni Sir Benedict sa nakangising si Charito.

Tahimik na lamang na ibinigay ni Sir Benedict ang kaniyang laptop kay Charito't pinaupo ito sa kaniyang desk at binilinan ulit sa kung anong klaseng Sales Report ang gagawin nito.

Kahit na pakiramdam ni Sir Benedict na para siyang hinoldap ay natuwa naman ito dahil madaling naintindihan ni Charito ang pinagagawa niya't gusto niyang makita sa Soft Copy ng Compiled Sales Report ng kanilang Brand.

"Maiwan na kita ha. MagwiWithdraw pa ako." Ang paalam ni Sir Benedict nang makita na niyang nagsisimula na itong si Charito sa pag-eEncode. Medyo nabilib din naman siya sa SalesLady dahil napakaPorma nito. Hindi maiwasang tignan ni Sir Benedict ang nakalagay sa harapan nitong StarBucks na Mug.

"Hayop..." Ang nasambit bigla ni Sir Benedict sa kaniyang sarili nang makita niyang napakaElegante ang pag-inom ni Charito sa mug.

"I'll see you later." Ang muling paalam ni Sir Benedict sa maarteng Saleslady at pagkatapos ng ilang segundo'y lumabas na ito sa kaniyang pansamantalang office nang hindi siya nakarinig ng reply kay Charito.

Habang naglalakad papalabas itong si Sir Benedict ay hindi niya mapigilang mapangisi dahil bigla niyang naisip na maglakwatsa na lamang bago mag WithDraw. Kahit na medyo malaki ang siningil ni Charito'y ayos lang ito sa kaniya dahil makakaGala siya.

Kung gaano katamis ang ngisi ni Sir Benedict ay ganoon din ang ngising nakaguhit sa mga labi ni Charito dahil naisahan niya itong bago niyang Boss. Tantiya kasi ni Charito'y pinakamatagal na ang dalawang oras upang matapos niya ang kaniyang gagawing Sales report Compilation.

"Salamat sa mga tamad!" Ang victorious na nsambit na lamang ni Charito sa kaniyang sarili.

Malapit nang matapos ni Charito ang ipinagagawa sa kaniya ni Sir Benedict nang biglang tumunog ang message alert tone ng kaniyang Fake na iPhone na kaagad naman niyang sinagot.

'Gurl nagOT ka pala sabi ni Sir Jerry' ang text ni Myles na kaagad namang niReply-an ni Charito.

'Blessing ito' Ang reply naman ng natatawang si Charito.

'Baka naman pwede kang pumunta dito at ang kulit ng customer ko'

'why naman'

'Matanda na kasi at madaming tanong hindi naman ata bibili'

'wait lang' ang reply ni Charito at agad na ibinulsa nito ang kaniyang iPhone.

Wala nang inaksaya pang sandali itong si Charito na puntahan ang kanilang Area upang saklolohan ang kaniyang kasamahan. Expert kasi itong si Charito sa pagseSales Talk sa mga Senior Citizen at talaga namang mahal na mahal niya ang mga ganoong uri ng customer dahil palagi niya itong nabobola.

"Eh ano namang bagay sa mga mata ko?" Ang narinig ni Charito mula sa isang matandang customer na nagtatanong kay Myles.

"Ano po ba ang favorite ninyong kulay?" Ang biglang singit naman kaagad ni Charito nang nakalapit na siya kina Myles.

"AY NAKU MA'AM! ANG SWERTE NY'O TALAGA! ANDITO NA ANG PINAKAMAGALING NAMIN SA MAKE-UP!" Ang masayang sambit kaagad ni Myles sa kanilang matandang babaeng customer at wala pang ilang segundo'y umalis na ito upang iwan na si Charito sa pakikipag-usap sa makulit na matandang babae.

"Ako na pong bahala sa inyo Ma'am. May Special Occassion po ba tayong pupuntahan?" Ang masayang sambit naman ni Charito habang tinitignan niya ng masama ang nakangiting si Myles.

"Wala naman. Gusto ko lang bumili ng make-up."

"Ganon po ba? Marami po tayo dito na pwedeng pang-araw-araw"

"Baka naman nakakahiya't matanda na ako."

"NAKU! HUWAG NYO PO SILANG INTINDIHIN! MGA NAIINGGIT LANG IYON!" Ang mataray na nasambit ni Charito.

"Basta ang importante eh maganda kayo!" Ang isinunod na sinambit ni Charito na siyang ikinangiti naman ng matandang babae.

Halos umabot na ng isang oras ang pag-aasikaso ni Charito sa matanda dahil napakadami nitong tanong. Masaya namang sinasagot iyon ni Charito ng may paglalambing hanggang sa makapili na sila ng set ng Shu Eumura Make-ups na babagay sa matandang babae.

"Dala n'yo po ba ang Senior Citizen ID nyo? Sayang naman po kasi ang 20% na makukuha ninyong discount eh." Ang concern na sambit ni Charito nang akmang kukunin na ng matanda ang kaniyang bibilhin.

"Ha? Hindi ko dala eh. Okay lang iha na walang discount."

"Ganito nalang po Mommy. Balikan n'yo na lang po ang mga ito kapag dala n'yo na po ang Senior Citizen ID ninyo. Itatabi ko po itong mga make-up na napili ninyo. Sayang naman po kasi talaga yung Discount at malaki-laki din po iyon eh. Pwede nyo pa pong ipangDate yun!" Ang malanding sambit ni Charito na lalo pang ikinatuwa ng matandang babae.

"Mabuti naman at nandyaan ka. Napakamatulungin mo iha!" Ang nagpapasalamat na itinugon ng matandang babae kay Charito't talaga namang nagpapasalamat ito sa SalesLady.

"Actually po Mommy eh Over Time lang po ako ngayo at may ipinapagawa lang po kasi sa akin ang Boss ko." Ang paliwanag naman nitong si Charito.

"Ang bait mo talaga iha. Hindi ka katulad ng mga iba na talagang walang concern sa mga customer. Nasaan ba ang Boss mo at gusto kong makausap?" Ang masayang sambit ng matandang babae kay Charito.

"Teka po tawagin ko lang po Mommy ha." Ang masayang sambit naman ni Charito.

"Upo muna po kayo dito habang tinatawag ko ang Manager namin." Ang sinambit ni Charito sa matandang babae nang pinaupo niya ito sa isang monoblock stool at pagkatapos ay nagmamadali niyang tinawag ang kanilang area manager na si Sir Jerry.

"How can I help you ma'am?" Ang masayang bati ni Sir Jerry sa matanda nang makarating ito sa area nina Charito.

"Ikaw ba ang manager dito?" Ang tanong ng matanda.

"Yes po." Ang isinagot kaagad ni Sir Jerry sa matanda at pagkatapo ay masaya niyang nginitian sina Charito't Myles na siya namang nag-aabang sa kung anong sasabihin ng matanda. Sure na sure na silang isa itong commendation para kay Charito.

"Wala ba yung Officer na ipinadala ng Shu Eumura?" Ang biglang tanong ng matandang babae kay Sir Jerry na ikinagulantang naman ng tatlo.

"Gusto kong makausap ang Boss mo na may ipinagawa sa'yo." Ang sunod na sinambit ng matandang babae kay Charito.

"Wala po siya kasi dito. Lumabas po siya Mommy at may pinuntahan lang." Ang paliwanag naman agad ni Sir Jerry sa matandang babae. Sinabihan kasi ni Sir Benedict si Sir Jerry na tignan-tignan si Charito dahil may importante lang siyang pupuntahan.

"Ganoon ba?" Ang hindi makapaniwalang nasambit ng matandang babae.

Lalong nagtaka ang tatlo nang mapansin nilang may gumuhit na isang napakatamis na ngiti sa mga labi ng matandang babae kasabay ng magkuha nito ng phone at pagkatapos ay nagDial agad ito.

Lalong tumaas ang mga kilay nina Sir Jerry, Charito at Myles nang makita nila na ang hawak na Phone ng matandang babae'y ang pinakabagong labas na iPhone.

Lalo pang nagulat ang tatlo nang magsimula na itong kausapin ang taong tinawagan nito.

"Napatawag ka Mom?" Ang kaagad na bati ni Sir Benedict sa kaniyang Mommy from the other line.

"Nasaan ka Benedict?" Ang narinig ng tatlo mula sa matandang babae.

Sabay-sabay na kinutuban sina Sir Jerry, Myles at Charito kung sino ang kinakausap ng matandang babae.

Ngayon lang nila napansing bigatin at hindi pipitsugin ang dating ng matandang babaeng nasa kanilang harapan.

Muling ininspeksyon ni Charito mula ulo hanggang paa ang naka-upong matandang babae at hindi din niya pinaligtas pati ang mga accessories na suot nito at talaga namang laking gulat ni Charito ng makumpirma niya na puro original at mamahaling brand ang suot-suot ng matanda lalong-lalo na ang Prada nitong Shoulder Bag.

"Nasa office ko po dito sa SM San Lazaro." Ang sagot ni Sir Benedict sa kaniyang Mommy.

"Nasaan ka talaga?"

"Nasa SM nga ako Mommy!" Ang naiinis na pagsisinungaling ni Sir Benedict sa kaniyang nanay. Pumunta kasi sa Glorietta itong si Sir Benedict at ngayon nga'y nasa Starbucks siya't nagkakape habang naghihintay sa First Filming ng Iron Man 3 sa Cinema 2.

"Tamang-tama at nasa SM San Lazaro ako at binibisita ang Brand natin. Pupuntahan kita dyan sa Office mo!" Ang panghuhuli ng Mommy ni Benedict sa kaniyang pasaway na anak.

"HA???!!!" Ang malakas at gulat na nasambit ni Sir Benedict sa ipinaalam sa kaniya ng kaniyang Mommy kasabay ng panglalamig ng kaniyang buong katawan.

"WAIT LANG MOM!!!" Ang sunod na sinambit ni Sir Benedict ngunit huli na ito't pinutol na ng kaniyang nanay ang kanilang pag-uusap.

"Iha... Samahan mo ako sa Office ng anak ko." Ang masayang utos ng matandang babae kay Charito.

"Nanay po este Mommy po kayo ni Sir Benedict???!!!" Ang hindi makapaniwalang nasambit na lamang ni Charito.

"Yes... And one of the Corporate Heads of Shu Eumura Asia." Ang nakangiting paliwanag ng matandang babae kay Charito.

Halos mapraning itong si Charito't si Sir Jerry habang kasama nilang naglalakad papuntang Executive's Area ang Mommy ni Sir Benedict at talaga namang hindi sila makapaniwalang makakaharap nila ang isa sa mga bigatin ng kanilang Company Brand. Hindi kasi normal sa mga Executives talaga na dumalaw sa kanilang mga brand location lalong-lalo na kapag nasa mga SM ang location nito.

Kung ano ang pagkakaba nina Charito sa mga sandaling iyo'y mas doble ang kabang nararamdaman ngayon nitong si Sir Benedict habang nagdriDrive siyang pabalik sa SM San Lazaro dahil alam niyang malilintikan siya sa kaniyang Mommy sa kaniyang ginawa.

Kaya lamang naging VP of Operations itong si Sir Benedict ay dahil sa position at impluwensya ng kaniyang ina sa Company at alam din ng kaniyang Mommy na hindi niya sineseryoso ang kaniyang trabaho kaya nama'y siya ang ipinadala ng kaniyang Mommy sa SM San Lazaro bilang parusa ng mahuli siya nitong naglalakwatsa sa oras ng trabaho.

To Be Continued