Chapter 4 : Ang Mga Pangarap Ni Fredo

By: Jayson Patalinghug

email: king_sky92@yahoo.com

FB: jaysoncbucable@yahoo.com

-------------------------------------

Maraming salamat po sa naghintay at patuloy na sumubaybay sa kwentong ito. Gusto ko rin batiin ang mga bagong followers ng kwentong ito na sina Jerry, Jaylord, Redge, Eugene, Ral, Kogure, Mharcel at Levi. Kayo pong mga nagbabasa at nag eemail at nag iiwan ng comment sa blog na ito ang nagbibigay sa akin ng dahilan upang ipagpatuloy ang kwnetong ito kahit na sobrang busy ng schedule gawa na rin ng dalawangng trabaho. Maraming salamat po!

-------------------------------------

April 12, 2009

Limang taon na ang nakalipas mula noong may mangyari sa amin ni tito Kris. Parang normal lang ang lahat, at tila nalimot na rin ng aking isipan ang mga pangyayaring iyon. Sa tingin ko isa lamang iyon sa mga bagay na napagdadaanan ng lahat, ngunit di rin ako sigurado kasi hindi naman namin pinag uusapan sa bahay ang mga usapin na may kinalaman sa sex. Naalala ko nga noong minsan itinanong ko sa aking ina habang kumakain kami ang tungkol sa masturbation, namula siya sa galit, di daw namin dapat pag usapan ang mga bagay na iyon. Hindi na ako nagtanong sa kanya kaya kay kuya Jason nalang ako nagtanong. Sabi niya natural lang daw iyon sa mga lalaki ngunit wag ko daw itong babanggitin kahit na kanino kasi daw di nga ito dapat pinag uusapan. Mula noon di na ako nagtanong pa hanggang sa isang araw ay nagbago ang lahat, may natuklasan akong nagpabago sa aking buhay.

“Fredo....gising na!” sigaw ni kuya Jason habang kinakatok ang aking pintuan.

“Oo..hayan na pababa na ako..” sagot ko naman habang ang aking mga mata ay nakapikit pa. Antok na antok pa yata ako.

“Hoy..alam kong tulog ka pa! Gising na at Sunday ngayon!” sigaw ulit ni kuya na hindi pa pala umalis sa pintuan ng kwarto ko.

“Ano?” sigaw ko na natatarantang bumalikwas sa higaan. Sunday pala ngayon at naalala ko na may family devotional pala kami. Agad akong naghilamos tapos bumaba na sa sala kasama si kuya. Andun na si mama at papa kami nalang pala ang hinihintay.

“Oh hali na kayo at magsisimula na tayo” sabi ng aking ama na nakangiti. Nagmano kami ni kuya kina mama at papa pagkatapos ay naupo sa sofa. Kinuha ni kuya ang kanyang guitar tinugtog ito, sabay naman kaming lahat sa pagkanta ng aming devitional song.

As we gather may Your Spirit work within us
As we gather may we glorify Your Name
Knowing well that as our hearts begin to worship
We'll be blessed because we came X2 (Repeat I)

The steadfast love of the Lord never ceases
His mercies never come to an end,
They are new every morning
New every morning
Great is Your faithfulness, 0 Lord
Great is Your faithfulness (Repeat 2)

Pagkatapos ay naghawak kami ng kamay at nag pray si papa. Tulad ng dati, walang sawang pasasalamat sa kabutihan ng panginoon at ang paghingi ng proteksyon para sa boong pamilya kasabay na ang dalangin na panatilihing matatag ang aming samahan. Feeling ko ako na yata ang pinaka swerteng tao sa mundo kasi may mga mababait akong magulang, di tulad ng iba na magulo ang buhay gaya nalang ng aking kaklaseng si Friolan na binubogbog ng papa niya ang kanyang mama. Ang bait talaga ng panginoon, napangiti nalang ako habang nagdadasal. Pagkatapos ng aming short devotional, ay naghanda na kami para sa Sunday service. Si papa pala ang magbibigay ng mensahe ngayon, rotation kasi silang mga pastor ng church namin.

Alas syete na ng umaga at marami rami na rin ang tao sa simbahan, ready na ang banda at ilang sigundo nalang at magsisimula na ang service.

“Bro, halika na sa pulpeto at magsisimula na ang praise and worship” yaya sa akin ni kuya Jason.

“oo kuya, si Lucia ba andyan na?” tanong ko sa kanya. Si Lucia nga pala ang pamangkin ni pastor Rafael na galing pang Tandag Surigao del Sur. Petite siya, sexy at may maamong mukha, higit sa lahat may mga boses na mala anghel. Siya kasi ang mag lelead ng worship ngayon at ako naman back up singer lang, si kuya naman ang tutugtog ng piano.

“Kanina pa, nasa pulpeto na nga eh!” sagot naman ni kuya..

“ah ganun ba..eh di tayo na para makapagsimula na tayo”..at sabay na kami ni kuya na umakyat sa pulpeto. Kinuha ko ang microphone at si kuya naman ay naupo na sa harap ng piano. Nagsimula ang Praise and worship and I can feel the moving of the holy spirit...kasi naman itong boses ni Lucia para ka talagang dadalhin sa alapa-ap, tuloy lahat ng tao sa congregation ay na blessed ng todo. Pagkatapos noon ay ang para ng ritual na offering of tithes at ang pinakahihintay ko ay ang pagkain na ispiritwal. Si papa yata ang magbibigay ng mensahe, sigurado akong may mapupulot akong bagong aral sa araw na ito.

1Corinthians 6:9
(Good News Bible)

“Surely you know that the wicked will not possess God’s Kingdom. Do not fool yourselves; people who are immoral or who worship idols or are adulterers or homosexual perverts”

Idiniin ni papa sa mensahe niyang iyon na ang mga lalaking nakikipagtalik sa kapwa lalaki ay kinasusuklaman ng Diyos at sila ay hindi makakapunta sa langit kundi paparusahan sa empyerno. Hindi raw normal na umibig ang isang lalaki sa kapwa lalaki, ito daw ay pakana ng demonyo. Nasiksik iyon sa aking isipan at biglang bumalik sa aking ala-ala si Tito Kris, pagtatalik ba ang tawag sa ginawa namin? Di ko alam, wala naman akong alam sa mga bagay na iyan eh. Gusto kong itanong ito sa mama at papa ko kaya lang baka tulad lang ng dati iiwasan na naman nila ang ganitong tema sa bahay, si kuya Jason naman nasabi na niya sa akin minsan na ang mga bagay na ito ay hindi dapat pinag uusapan. Ah sa kaibigan kong si Eugene nalang ako magtatanong, mabuti pa yun nasasagot nito ang lahat ng tanong ko.

Lunes ng umaga, maaga akong nagising, kinuha ko agad CP ko at nag text “Bro, later sabay tayo lunch ha, may itatanong ako”  ilang saglit lang tumunog ang CP ko at nagreply si Eugene “OK ba..basta ikaw! handang mag explain si expert.. hehe” pabiro naman ang kanyang sagot sa text ko. Ganoon talaga ang lokong iyon, lagi nalang nagjojoke pero maganda namang kasusap, may sense kung baga.

Tanghalian na at hinintay ko si Eugene sa canteen, doon kasi kami lagi kumakain eh. Ilang saglit lang dumating na siya, naka yellow T-shirt at naka shade. Japorms ang dating ng kaibigan ko, poging pogi ang itsura kaya naman marami ang patay na patay sa kanya, mapa chiks man o bakla. Umupo siya sa table at nagsimula na kaming kumain at habang kumakain ay nagkukwentuhan.

“Tol, ano ba yung itatanong mo sa akin?” tanong ni Eugene sa akin.

“Ah..eh yun ba? Hehehe” di ko alam kung paano mag sisimula, lumagok ako ng laway at saka tinanggal ang bara sa aking lalamunan at nagsalita “bro, may karanasan ka na ba sa bakla?” ang naitanong ko kanya.

“Oo syempre, sa gwapo kong ito ang dami yatang gustong makipag sex sa akin at lalo na yung mga bakla binabayaran pa ako..hahaha!” maangas talaga ang kaibigan kong ito medyo bilib sa sarili at mahangin minsan.

“teka lang, bakit mo naman naitanong? Gusto mo bang subokan? Putah akala ko ba banal ka?” pagbalik ng tanong niya sa akin sabay tawa ng malakas.

“Tangi, curious lang ako at wala akong balak!” pagtatanggol ko naman sa sarili ko.

“okay sabi mo eh..” sagot naman niya sabay subo sa kinakain niyang adobo.

“eh bro, ano ba ang ginagawa nyo kapag nagsesex kayo?” tanong ko ulit sa kanya.

“hehee, tulad ng ginagawa ng babae at lalaki, kaso wala silang VGG kaya sinusubo nalang nila ang ari ng lalaki” paliwanag ni Eugene.

“Hah? So kapag sinubo ng lalaki ang ari ng kapwa lalaki eh sex na iyon?” gulat kong tanong sa kanya.

“OO ano pa nga ba? Waittty bakit naka subo ka naba ng ari ng lalaki?” tanong ni Eugene...di naman agad ako nakasagot sa kanya..

“Ano ka ba! Bakit ko naman gagawin yun?” nauutal ako sa pag depensa sa aking sarili, naalala ko kasi ang ginawa namin ni tito Kris  limang taon na ang nakakalipas. Tinigasan naman ako sa aking naisip ngunit ang isip ko ay sumusigaw na kasalanan pala iyon! Di ko maipaliwanag ang nararamdaman ko, malakas ang pintig ng puso ko at para itong sasabog.

“Eh bakit ka parang kinabahan at namumutla ka pa?” nakangising sabi ni Eugene.

“Ewan ko sayo...wala ka naming kwentang kausap eh!” tumayo ako at iniwan siya...

“Oy sorry na po!” sigaw niyang nagmamaka awa ngunit hindi ko na siya nilingon pa.

Naguguluhan ako. Akala ko ay okay lang iyon, yun pala ay sex na pala iyon? At bakit ko naman iyon nagustuhan? Bakla ba ako? Whoaaaah...grabe parang sasabog ang dibdib ko..nakokonsensya ako at feeling ko ako na pinaka makasalanang tao sa mundo! Naglakad ako sa kalsada at di ko namalayan na nasa harap na pala ako ng simbahan. Pumasok ako at lumuhod sa harap ng pulpeto, di ko namalayang tumulo na pala ang aking luha.....”Panginoon patawarin nyo po ako sa aking kasalanan! Di ko po alam...huhu” at humagulhol na ako ng iyak...Taos sa aking puso ang ginawa kong iyon. May isang oras din ako dun ng may tumapik sa aking likuran. Liningon ko siya at nagulat ako...si Lucia ang nasa likod ko.

“May problema ka ba?” tanong niya sa akin.

“Lucia..bakit ka nandito?” pagbalik ko ng tanong sa kanya.

“Eh ano ka ba, sa parsonage yata ako nakatira! At saka inutusan ako ni Pastor Rafael na ilagay itong mga bulaklak sa altar” paliwanag niya sa akin.

“Ah oo nga pala no..nalimutan ko sa parsonage ka pala nakatira.” Sagot ko naman, habang pinapahiran ko ang aking mga luha.

“hmmm...so bakit ka nandito at umiiyak? May problem ka ba?” tanong ulit niya.

“Ah eh, wala naman..nagdasal lang ako para sa world peace..” pabiro ko naming sabi sabay bitiw ng pilit na ngiti..

“hahaha ikaw talaga Fredo...maloko ka! World peace ka diyan..” tumawa siya at tinampal ako sa may balikat. Ngumiti lang ako..at nagulat naman ako ng bigla nyang hawakan ang aking kamay.

“If may problem ka, always remember God is always there for you at saka ako, handang makinig sayo!” pahayag niya sabay bitiw ng napakatamis na ngiti.

“Salamat.” Nginitian ko rin siya. I felt relieved ng dahil doon, sa tingin ko pinatawad na ako ng Diyos at heto na ang sagot niya. Hindi ako bakla! Napangisi nalang ako sa aking isipan.

Di na ako pumasok sa afternoon class ko, late na din kasi ako eh kaya nakipagkwentuhan nalang ako kay Lucia. Tinulungan ko siya mag arrange ng mga bulalak at magdilig ng mga halaman sa loob ng simbahan.

Mag aalas singko na nang umuwi ako, dumaretso na ako sa bahay at laking gulat ko ng buksan ko ang pinto..nandun si mama, si papa at si kuya...nakatayo lang at parang ako ang hinihintay...patay ako...!

-itutuloy-