Followers

Saturday, September 28, 2013

Love. Sex. Insecurity. [Book 2 : Chapter 12]

Love. Sex. Insecurity.
[Book 2 : Chapter 12]







By: Crayon









****Kyle****






3:30 am, Saturday
June 03




Nakatulog akong may ngiti sa aking mga labi. Labis akong natutuwa dahil okay na kaming muli ni Renz. Parang wala nang bahid na nagkaroon kami ng pagkakatampuhan noon. Namiss ko din ang kumain sa labas at matulog na kasama siya.



Naalimpungatan ako mula sa aking pagkakatulog at namalayan kong wala na si Renz sa aking tabi. Bumangon ako para sana hanapin siya ng may matanaw akong anino sa gilid ng aming kama. Nang tingnan ko ay nadatnan ko si Renz na nakahiga sa carpet ng kanyang kama, nakapikit ang mga mata habang mabilis na hinihimas ang kanyang alaga. 



Hindi ko na napigilan ang matawa ng malakas ng makita siya sa kanyang ginagawa. Agad naman siyang dumilat ng marinig ang aking tawa. Halata ang pinaghalong gulat at hiya sa kanyang mukha. Sumakit ang aking tyan sa kakatawa. Dapat pala ay kinuhanan ko siya ng video sa kanyang ginagawa.



Nakita ko siyang bumangon at tumungo sa banyo. Bumalik naman ako sa aking pagkakahiga at natatawa pa din sa aking nakita. Makalipas ang mahigit sampung minuto ay lumabas si Renz at tumabi muli sa akin sa kama. Pinipigilan ko na ang aking pagtawa para hindi na siya masyadong mapahiya. 



Tumalikod na akong muli sa kanya. Naramdaman ko naman ang muling pagyakap niya sa akin.



"Nakatapos ka ba?", natatawa kong tanong.



"Hindi eh, kaw kasi eh.", sagot nito sa akin. Tumawa lang ako at bumalik na sa aking pagtulog.



Maya-maya ay naramdaman ko ang matigas na bagay na idinudunggol ni Renz sa aking likuran.



"Hoy Renz Angelo! Lumubay ka.", saway ko sa lalaking nakayakap sa akin.



"Isa lang please. Miss na miss kita Kyle.", wika nito sa aking tenga halata ang libog sa bawat salitang binibitiwan niya. Nangahas na din siyang halikan ako sa leeg. Alam kong kapag hindi ako tumutol ay bibigay agad ako sa nais niya.



"Renz, magagalit ako sayo.", seryoso kong sabi. Halos ayaw lumabas sa bibig ko ng mga pagtutol na iyon dahil may parte din ng sarili ko ang nagugustuhan ang ginagawa niya. 



Agad din namang tumigil si Renz nang marinig ang ikalawang pagtutol ko.



"Sorry...", mahina niyang bulong sa akin. Agad naman akong humarap sa kanya. Nakita ko siyang mataman na nakatingin sa akin. Dinampian ko ng isang mabilis na halik ang kanyang mga labi.



"Matulog ka na starfish...", pagkasabi noon ay iniyakap ko ang aking sarili sa kanyang katawan at isniksik ang aking mukha sa kanyang dibdib. Naramdaman ko ang paghigpit ng kanyang yakap sa akin at muli na akong nakatulog.




-------------------------------------------------





Pasado alas-nuwebe na ako nagising kinabukasan. Sinusubukan ko pa ring bumawi ng tulog mula sa dalawang araw kong pagpupuyat. Hindi ko na dinatnan si Renz sa aking tabi. Tinungo ko ang banyo upang makapaghilamos. Naghintay ako ng kaunti hanggang sa bumalik si Renz pero agad akong nainip at naisipan kong lumabas na ng kwarto nito. Pamilyar na din naman ako sa bahay nila kaya kumportable akong lumabas ng kwarto ni Renz.



Pababa ako ng hagdan ng matanaw ko ang ina ni Renz sa may dining area na naghahanda ng almusal.



"Good morning po tita!", magiliw kong bati sa ginang.



"Oh my God!", malakas na sambit ng ina ni Renz. "Ikaw na ba yan Kyle? You're looking great! Oh my! Was it 2 years that you're gone?", dire-diretsong wika ni Tita.



"Hehehe opo. Kayo din po very pretty pa din, parang di kayo tumatanda.", pambobola ko.



"Ay naku ikaw talaga! Marami kang utang na kwento sa akin ha! Mamaya ka na umuwe. Tara na dito at ng makakain ka na.", imbita niya sa akin na agad ko namang pinaunlakan.



"Kayo po ba ang nagluto ng lahat ng ito? Parang andame ah, may okasyon po ba?", tanong ko habang pinagmamasdan ang mga nakahain sa lamesa. May French toast, scrambled egg, bacon, hotdog, garden salad, fresh fruits, at kung anu-ano pa.



"Ay hindi ko nga alam eh, si Renz ang nagluto lahat niyan at ayaw pa nga magpatulong sa akin eh. Gusto daw niya siya ang may luto ng lahat, kaya pasensya ka na kung hindi kasing sarap ng luto ko.", mahabang sabi ni Tita.



"Ma, grabe ka hindi pa nga natitikman ng tao yung pagkain, sinisiraan mu na.", sabat ni Renz na kalalabas lamang mula sa kusina at may dalang tray ng pesto.  "Good morning Kyle!", masayang bati nito sa akin. Sinuklian ko naman siya ng isang malapad na ngiti.



"Bakit andami mong niluto? May bisita ba kayo?", tanong ko kay Renz.



"Wala, nakakahiya naman kasi sayo kung pa-uulamin kita ng tuyo baka sabihin mo ginugutom kita, hindi ka na uli bumalik dito sa amin.", biro ni Renz sa akin.



"Hahaha sobra ka naman."



"Tara kain na tayo.", wika niya sabay upo sa aking tabi.



"Tita, sabayan nyo po kami. Husgahan natin tong niluto ni Renz.", aya ko sa ina ni Renz.



Sumalo nga sa amin si tita at sabay-sabay kaming nag-almusal. Masaya ang aming naging kwentuhan habang kumakain, balitaan sa mga nangyari sa amin sa nakalipas na dalawang taon. Na-miss ko ding ka-bonding ang mommy ni Renz dahil likas itong magiliw at mabait sa akin.



"Mabuti naman iho at tinapos mo pa din ang iyong pag-aaral. Ako din ay nagpapasalamat dahil nagpapakatino na rin sa wakas ang bestfriend mo.", wika ng ina ni Renz.



"Ma naman nagdrama pa, baka kung anu pa ikwento mo kay Kyle ha.", singit ni Renz.



"Alam mo ba Kyle na bago magdesisyon na magnegosyo yan eh sobrang pariwara na yan. Halos gabi-gabi yang nag-iinom, minsan hindi pa umuuwe sa bahay. Balak ko na talaga siyang ipa-rehab noon kasi nababahala na ako.", napatingin naman ako kay Renz sa sinabing iyon ng kanyang ina.



"Hindi ko nga alam kung anong problema nitong batang ito eh. Ang hinala ko binasted ng nililigawan niya. Kilala mo ba yung pinopormahan nitong binata ko?", natatawang dagdag ni Tita.



"Hahaha hindi po eh, wala naman po siyang nababanggit sa akin. Pero mukhang okay naman na po siya ngayon.", sagot ko sa ginang. Hindi ko naman mapigilang isipin kung ganoon nga ang naging lagay ni Renz nung magkaaway kami at kung ako nga ba ang naging dahilan ng mga kalungkutan niya noon.



Matapos ang isang masayang almusal ay nanatili pa ako sa bahay nila Renz. Bumalik kami sa kwarto niya para maglaro ng xbox. Para kaming mga bata na nagpapaligsahan sa paglalaro. Nang magsawa ay nagpaalam na ako na uuwi na sa amin. Tumanggi na akong kumain ng tanghalian sa kanila dahil busog pa din naman ako mula sa kinain namin kanina. Inihatid lamang ako ni Renz hanggang sa terminal sa Cubao at nagpaalam na kami sa isa't-isa.




------------------------------------------------------------------------------






Nang makarating sa bahay ay binuksan kong agad ang aking laptop, na-miss kong bigla si Lui dahil ilang araw ko din siyang hindi nakausap dahil sa pagka-busy ko sa work. Sakto naman na naka-online din siya kaya agad kaming nag-video call.



"Kamusta ka bebe ko?", bungad sa akin ni Lui, abot tenga ang kanyang pagkakangiti.



"Bebe ka dyan, hehehe.", hindi ko mapigilang mapangiti sa kanyang biro. "Okay naman ako. Ikaw ang kamusta?"



"Ganun pa din, kita mo naman di ba? Poging-pogi pa din. Hahaha.", pagmamayabang niya sa akin.



Hindi ko namalayan ang pagtakbo ng oras habang kausap ko si Lui. Masaya naming ikinuwento sa isa't-isa ang mga nangyayari sa aming mga buhay. Kasama sa aming napagusapan ang bumubuti naming relasyon ni Renz.



"Ok, so in lababo ka na naman sa tukmol na yon? Ganun ba?", nagulat ako sa tanong ni Lui. Hindi naman siya mukhang nang-uusig o nagseselos sa halip ay ramdam ko ang concern niya sa akin bilang isang kaibigan.



Hindi agad ako nakasagot sa tanong niya dahil sa pagkabigla. Kahit kasi ako mismo ay hindi pa naisipang itanong ang bagay na iyon sa aking sarili. Sa nakalipas kasi na mga taon ay pilit kong tinanggap na maaaring hindi para sa akin si Renz. Dahil doon ay hindi ko pinagtuunan ng atensyon ang tinitibok ng aking puso nang muli kaming magkita ni Renz.



"Hindi ko alam, wala naman ako sinabing mahal ko na siya ah.", sagot ko kay Lui.



"Eh bakit ang tagal mo mag-isip?"



"Eh kasi nga hindi ko alam ang isasagot ko."


"Asus! The fact na napaisip ka sa tanong ko ibig sabihin kinokonsidera mo pa din na baka nga mahal mo pa yung bestfriend mo.", sermon sa akin ni Lui.
 

"Eh kung sakaling mahal ko pa nga siya, katangahan ba kung papayagan ko ang sarili ko na ma-in love pa din sa kanya?", seryoso kong tanong.



"Hmmm, hindi naman siguro. Kasi ganyan din naman ako sayo, mahal pa din kita kahit na alam kong di naman ako ang taong mahal mo.", nakangiting sabi ni Lui pero ramdam ko na may pagtatampo sa pahayag na iyon.



"Lui naman eh, di ba napag-usapan na natin yan?"



"Oo alam ko naman yon at hindi ko naman ipipilit ang sarili ko sayo. Mahirap lang talaga pigilan ang puso na magmahal. Alam mo yan kasi napagdaanan mo na ang ganito noon di ba?"



"Haayyyy. Tama ka pero sana wag mo isarado ang puso mo sa mga taong pwedeng magmahal sayo.", wika ko sa kanya na sinagot naman niya ng isang malakas na tawa. "Bakit ka natawa?"


"Wala para ka kasing tanga. Ikaw pa nagsabi sa akin ng ganyan samantalang nung broken hearted ka ganyang ganyan ang ginawa mo, inilayo mo ang sarili mo sa lahat ng taong nagmamahal sayo.", hindi naman ako na-offend sa sinabi niya. Natawa rin ako sa aking sarili.



"Hahaha kaya nga wag kang tumulad sa akin."



"Eh kamusta naman kayo nung isa mo pang kaibigan slash ex-manliligaw slash boss mo na ngayon?"



"Ayun ganun pa din. Akala ko mapaparesign na ako sa report na pinagawa niya sa akin. Buti na lang at natapos ko sa loob ng dalawang gabing wala halos tulugan. Hahaha. Tas kahapon binilhan niya ako ng pancake tsaka di na ako pinagtrabaho, siguro reward ko.", pagkukwento ko kay Lui.



"Malaki din talaga sira ng ulo mo no? Iyan pa ang isang bagay na hindi ko maintindihan sayo Kyle. Bakit ka nagtitiis sa kanya sa kabila ng trato niya sayo? Binigyan ka lang ng pancake parang wala na yung mga ginawa niya sayo."



"Malalim naman kasi yung pinaghuhugutan niya ng galit sa akin. Nasaktan ko siya noon, intentionally itinaboy ko siya palayo sa pagsasabing boyfriend na kita at di ko na siya kailangan. Gusto ko talaga na magkaayos kami. Maging magkaibigan uli, kaya kahit na nahihirapan ako tinitiis ko na lang kasi gusto kong makabawi sa kanya.", pagdedepensa ko sa aking sarili.



"Ewan ko sayo.", iyon lang ang nasabi ni Lui.



"Alam mo Lui kung sakaling magkagulo tayo at alam kong ako ang may kasalanan, gagawin ko rin to sayo. Lahat ng kayang kong ibigay para magkabati lang tayo gagawin ko."



"Weh? Pano kung hilingin ko na pakasalan mo ko?", pang-aasar sa akin ni Lui.



"Kung ganyan naman ang kundisyon mo, hahanap na lang ako ng bagong kaibigan. Yung tipong hindi takas sa mental na katulad mo.", pang-aalaska ko din sa kanya.




Matapos kami mag-usap ni Lui ay natulog akong muli. Kain, tulog, gym lang ang naging routine ko noong off. Napagod din talaga ako sa nagdaang linggo kaya sinikap kong bumawi ng lakas dahil tiyak na hindi rin magiging madali ang darating na linggo.









****Aki****








7:26 am, Monday
June 05






Katulad ng aking inaasahan ay dinatnan ko na si Kyle na nagkakape sa kanyang desk nang dumating ako sa opisina.



"Good morning Aki! Salamat pala doon sa pancakes last Friday.", magiliw na bati sa akin ni Kyle. Kaming dalawa pa lamang ang nasa silid na iyon at bakas sa kanyang mukha ang saya sa araw na ito. 



Sa halip na matuwa ay bumabalik na naman sa akin ang pamilyar na inis kapag nakikita siya, lalo na noong maalala ko na magkasama sila ni Renz noong Biyernes at mukhang masaya na naman silang dalawa. Iyon halos ang laman ng aking utak sa nakaraang dalawang araw. Kahit ako ay naiinis na sa nagiging takbo ng aking pag-iisip.



"How many times do i have to tell you not to call me by my nickname? I don't know if you're simply stubborn or stupid.", naiinis kong sagot kay Kyle. Hindi ko na napigilan ang emosyong kinikimkim ko sa nakalipas na dalawang araw. Alam kong nagseselos ako sa pagkakakita ko sa kanila ni Renz, sadyang ayaw ko lang aminin sa aking sarili. 



Nakita ko ang pagkapahiya sa mukha ni Kyle. Tila may mga nagbabadya pa ngang luha na tutulo mula sa mga mata nito. 



Para naman akong sinipa sa aking dibdib. Pamilyar ang pakiramdam na ito. Tandang-tanda ko ang epekto ng mga papaiyak na mga matang iyon sa akin. Ganitong-ganito ang aking nararamdaman noong minsan ko siyang masigawan sa aking condo dahil hindi siya kumain kahit na may sakit siya. Gusto kong kutusan ang aking sarili dahil sa aking nagawa.



Agad akong naglakad patungo sa aking opisina. Hindi ko inaasahan na makaramdam muli ng ganito kay Kyle. Yung feeling na frustrated ka sa sarili mo dahil napaiyak mo ang isang taong espesyal sa iyo.



Nanatili lamang akong nakatayo sa likod ng pinto ng aking opisina. Hinayaan ko mahulog ang tangan kong bag sa sahig. Pilit kong pinapakalma ang aking sarili pero paulit-ulit na bumabalik sa aking gunita ang papaiyak na mga mata ni Kyle. Sa tagal niyang nagtatrabaho sa akin at sa napakaraming beses kong pamamahiya sa kanya ay ngayon lang ako naging apektado sa kanyang reaksyon.



Shit!!!! Anu na namang ginawa mo Achilles?!! Pinikit ko ng mariin ang aking mata upang makapagisip. Ilang beses rin akong huminga ng malalim para kumalma. Nang idilat ko ang aking mata ay binuksan kong agad ang pinto ng aking opisina at naglakad patungo sa desk ni Kyle.



Nakayuko siya at matamang nakatingin lamang sa kanyang kape. Ramdam ko ang pagnanais niyang magtago para hindi ko siya mapansin. Lalo lang akong nainis sa aking ginawa dahil nararamdaman ko ng natatakot sa akin ng mga sandaling iyon si Kyle.



"Kyle?", mahina kong tawag sa kanya. Halos hindi pamilyar ang aking bibig sa pagbanggit ng kanyang pangalan. Parang kay tagal simula ng hayaan ko ang aking sarili na banggitin ang pangalan na iyon.



Nagtaas ng tingin sa akin si Kyle. Kita ang pagkabahala sa kanyang mga mata, tila naghihintay ng sermon mula sa akin.



"I'm sorry for what i said, i was just having a bad morning. Sorry if i had to take it on you.", paghingi ko ng paumanhin sa kanya. Tumango lamang siya bilang tugon pero alam kong kulang pa ang ginawa kong paghingi ng tawad, alam kong nasaktan siya sa aking mga sinabi.



"Ahmmm, ano... kung..... ano kasi... well....", hindi ko magawang ituloy ang aking sasabihin. "Ahhhh..... gusto ko kasi ng kape pwede mo ba ako itimpla?", tangina! Ang tanga ko!?! Bakit iyon ang lumabas sa aking bibig!?! Hindi ko intensyon na pagmukhaing nagsorry ako sa kanya para ipagtimpla niya ako ng kape. Gusto kung lumubog sa aking kinatatayuan, nahiya akong lalo sa aking sinabi...



Tiningnan ko ang reaksyon ni Kyle. Halata ang pagkalito sa kanya. Lalo akong nagsisi sa aking sinabi. Muli na sana akong magsasalita para bawiin yung sinabi ko ng mapalitan ng ngiti ang pagkalito sa mukha ni Kyle.



"Sige po sir, saglit lang po.", magiliw na sabi ni Kyle.



Tumayo siya sa kanyang lamesa at tinungo ang coffee table sa sulok ng silid. Naupo naman ako sa upuan sa harap ng kanyang lamesa. Mataman ko siyang pinagmasdan habang nakatalikod sa akin at gumagawa ng kape. 



"Tsaka pwede mo na akong tawaging Aki kapag tayo lang dalawa. Pasensya ka na talaga sa akin kanina.", lumingon lamang sa akin si Kyle at ngumiti. 



Base sa reaksyon niya ay mukhang hindi na siya nagdadamdam pa sa aking sinabi pero sa kabila noon ay hindi pa rin ako kuntento sa aking paghingi ng paumanhin. Kung tutuusin kasi ay hindi lang naman ngayon ko siya nasigawan at napahirapan.



Dinala sa akin ni Kyle ang tasa ng kape, agad ko naman itong kinuha mula sa kanya at nagpaalam na akong papasok na muli sa aking opisina.



Nang bubuksan ko na ang pinto ng aking opisina ay muli ko siyang nilingon. 



"Uhmmmm, Kyle?", hindi ko mapigilang kabahan sa aking ginagawa.



"Yes?", taka niyang tanong sa akin.



"Ano kasi... kung ok lang sayo.... i mean kung wala kang gagawin.... ahhh.... ano.... kasi..... hmmmm... pano ba?.... sana...."



"Ok lang po ba kayo sir?", nalilito nang sagot ni Kyle dahil sa pagkabulol ko ng mga sandaling iyon.



"Ah oo, gusto ko lang kasing ano.... aahhhmmm... sana sabay tayo maglunch mamaya.... kung ok lang naman sayo at wala kang plans later....", hindi ako magkandatuto sa pagbigkas ng mga salitang iyon. Parang may malaking batong nakabara sa aking lalamunan.



"Ah sige po. Wala pong problema."



"Ok sige, pasok na ako.", iyon na lang ang aking nasagot at dumiretso na ako sa aking lamesa.



Nang makaupo ako sa aking upuan ay ramdam ko ang mabilis at malakas na pagtibok ng aking puso kahit na hindi pa ako humihigop sa kapeng dala ko.



Kinuha ko ang aking laptop sa bag at binuksan iyon. Nakatunganga lamang ako sa screen ng aking laptop habang iniisip ang mga nangyare lang kanina.



Did i just ask him to lunch? Hindi ako makapaniwala sa imbitasyong ginawa ko. Maliban doon ay hinayaan ko siya na tawagin ako sa aking palayaw, as if im inviting him to be my friend again



Anu nang nagyare sa plano kong lumayo sa kanya at panatilihin ang aking distansya? Sa ginagawa ko ngayon lalo akong magiging vulnerable sa kanya. Inuulit ko lang ang mga pagkakamali na ginawa ko noon. 



Napabuntong hininga ako dahil sa sobrang gulo ng aking isip. Nang magtagal ay napagdesisyunan kong ito na ang huling beses na magiging soft ako sa kanya. Hahayaan ko siyang tawagin ako sa aking nickname pero dapat kong panindigan ang pagiging cold sa kanya. Ayaw kong maulit pa ang mga pagkakamali na nagawa ko noon.



Sa kabila ng pagtutol ng aking isip sa mga ginawa ko kanina ay di ko maitatanggi na tumatalon ang aking puso ng mga sandaling ito. Masaya ako na kahit sandali ay parang bumalik ang dati naming pagkakaibigan ni Kyle. Hindi ko rin mapigilan ang masabik sa lunch namin mamaya.








****Kyle****






10:05 am, Monday
June 05





Dalawang oras pa bago ang lunch pero hindi na ako makapaghintay. Kapansin-pansin ang aking pagiging masaya ng araw na iyon. Kahit si Sam ay binati ang pagiging masayahin ko ngayong araw. 



Hindi ko alam kung anung nangyare kay Aki at biglang nagbago ang pakikitungo niya sa akin. Kanina ay muntik niya na akong mapaiyak dahil sa panenermon niya sa akin, nagulat ako ng muli siyang lumabas ng kwarto at humingi ng tawad. Hindi ko din alam kung bakit niya naisipang magpatimpla ng kape sa akin. Basta masaya ako na maipagtimpla siya ng kape kanina. Matagal kong pinaghandaan yon kahit na araw-araw niyang tinatanggihan ang alok ko. 



Hindi ko ikinuwento kay Sam ang nangyare pati na ang plano namin na pagkain ng lunch mamaya. 



Nang tumuntong ang alas dose ay inaya agad ako ni Sam na kumain sa labas pero tumanggi ako. Hindi naman na nagtanong pa si Sam kung bakit. Nakita ko naman na pumasok ng opisina ni Aki si Lyka. Marahil ay aayain nitong kumain sa labas si Aki. Medyo kinabahan naman ako dahil baka makalimutan ni Aki ang pagkain namin ng sabay at sumama na lang kay Lyka. Ngunit wala pang limang minuto ay lumabas na si Lyka at nanghahaba ang nguso. Hindi ko naman mapigilang mapangiti sa isiping tinanggihan siya ni Aki na samahan dahil kakain kaming dalawa ng sabay.



Nanatili lamang ako sa aking lamesa habang hinihintay kong lumabas si Aki. Maya-maya lang ay narinig ko ang pagbukas ng pinto ng kanyang opisina. Agad akong lumingon sa direksyong iyon at nagtama ang aming mga mata. Agad naman siyang naglakad papunta sa akin at di ko maalis ang kabahan.



"Can you wait for me for a little more? I just have to drop by Mr Salvatierra's office.", paalam nito sa akin.



"Sure.", tipid kong sagot. Umalis siya agad at binalik ko na lang ang atensyon ko sa naiwang trabaho.



Mahigit labing limang minuto rin ang dumaan pero hindi pa nakakabalik si Aki.  Medyo naiinip na ako dahil excited na ako na makausap si Aki tulad ng dati. 



Kasalukuyan akong gumagawa ng isa pang report para sa board meeting na paparating. Binigyan naman ako ni Aki ng sapat na panahon para tapusin ang pangalawa kong report hindi tulad nung una. Pinagsusumikapan ko lang na matapos ito ng maaga para kung sakaling may gusto siyang ipabago ay may sapat pa akong panahon para maayos ito. 



Hindi ko na namalayan ang takbo ng oras dahil na-focus ang aking atensyon sa aking report. Nagulat na lang ako ng bumukas ang pinto, akala ko ay si Aki na yun pero mukha ni Sam ang bumungad sa akin.



"Hindi ka ba nag-lunch bebe?", tanong nito sa akin ng makita ako sa aking desk.



"Ah hindi pa. Busog pa naman ako eh.", sagot ko. Nang tumingin ako sa aking relos ay limang minuto na lang bago matapos ang aking lunch. Hindi ko mapigilang malungkot dahil hindi kami natuloy ni Aki.



Huminga lang ako ng malalim at bumalik sa aking ginawa. May tira pa naman akong biskwit mula sa kinakain ko kaninang umaga at pinasya kong iyon na lang ang kainin kasi medyo nagugutom din talaga ako.



Nang pumatak ang ala-una ay napalingon ako sa pinto sa matinis na pagtawa ni Lyka, kasunod nito sa likod si Aki. Mukhang kanina pa magkasama ang dalawa.



"Kyle, hindi ka ba naglunch?", takang tanong ni Lyka. Tumingin muna ako kay Aki bago sumagot.



"No, i'm good.", tinuro ko din ang biskwit na pinagtyatyagaan kong kainin ng mga oras na iyon. "Diet.", dugtong ko pa.

"Ok, dapat pala inaya natin si Kyle Boss para nasira ang diet niya. Ang sarap kasi Kyle ng pagkain dun sa kinainan namin at tiyak na di mo mapipigilan ang iyong sarili na kumain.", mahabang litanya ni Lyka, halatang intensyon nitong inggitin ako o kami ni Sam.



Ngumiti lang ako at binalik na ang aking tingin sa aking computer. Hindi na akong nag-abala pang tingnan si Aki. Di ko kasi mapigilang magdamdam. Masyadong obvious na pinagtripan nya lang ako at napakatanga ko para umasa.



"Ah, Kyle gusto mong pagpadeliver ka na lang namin?", tanong nito. Hindi ko alam kung bakit nagtatanong pa siya ng ganoon. Sa pagkakaintindi ko ay wala naman talaga siyang pakialam sa akin. Marahil ay isa na naman ito sa kanyang mga pakulo.



"Wag na po Mr. Del Valle. Busog na po ako sa biskwit na kinain ko.", pagtanggi ko. Hindi ko siya tiningnan dahil lalo lang akong maiinis.



Ang inakala kong masayang araw ko ay natapos ng may simangot ako sa labi. Siguro may mga bagay talaga na mahirap baguhin. Matitiis ko siguro yung mga bulyaw niya sa akin at pagpapahirap sa trabaho pero yung harapang pagpapamukha sa aking tanga ako tulad ng ginawa niya kanina ay sobra na. Hindi ko alam kung hanggang kailan ko matatagalan ang ganoon pagtrato mula kay Aki.








....to be cont'd....
Author's note:
Waaaaaahhhh!!!!! sori po talaga kung ngayon lang nasundan yung post ko! alam kong sobrang tagal, pasensya na po talaga... sobrang dami ko po kasing ginawa ngayong buwan halos hindi ko na maisingit yung pagsusulat ko... 
Nais ko pong magpasalamat sa mga sumusubaybay sa story nila  Kyle, Aki, at Renz. sa mga lagi pong nag-aabang ng updates at palagiang nag-iiwan ng comment at feedback, thank you, thank you po talaga... :)
Kung mapapansin niyo po dalawa lang yung chapter ng update ko ngayon dahil po iyan sa suggestion ni Vien.Montillano (siya po ang sisihin niyo! hahahaha), naiintindihan ko po na nawawala ang momentum ng mga reader kapag sobrang tagal ng updates. Alam ko po ang pakiramdam noon dahil mambabasa rin ako. Salamat vien sa suggestion, makakatulong talaga yun para mas madalas ako makapagupdate. Bale ang mangyayare po ay baka dalawang post na lang ako per week, nagawa ko na po yung Chapter  13 &14 at nakaschedule na sila ng posting sa Friday, so sigurado pong may update tayo next week at hindi nganga! hahahaha
Salamat po sa pagsuporta at pagbabasa.... feel free to leave comments or feedback binabasa ko po lahat iyon.... sa mga nag-leave ng comment last time sori ngayon lang ako nakareply sa mga comment nyo hahahahaha...salamat na din po sa pang-unawa... Enjoy reading...!
--------crayon :)

24 comments:

  1. I really love this story. excited na sa Friday.

    ReplyDelete
  2. dapat pinost mo na po ung 13 and 14.. sobrang bitin... hehe

    ReplyDelete
  3. I'm always checking everyday for the update.. thank god Mr. Crayon for posting 2 chapters. very much appreciated. Now we know that there is a ready Chap. 13 and 14 and to be posted by FRIDAY,

    its like watching your favorite series, you cant wait for next week to know more about the story. And by this the author Mr. Crayon can write more chapters without feeling pressure from the readers.. ;)

    ReplyDelete
  4. been waiting this for so long.
    at last may update na din. Tnx crayonbox

    ps.
    may fb kb?
    add kita.

    ReplyDelete
  5. Sana I post mo na yung 13 and 14 pambawi mo sa tagal naming paghihintay, taz next week kana mag start mag post ng 2 chapter every week :-(

    ReplyDelete
  6. Umiyak agad ako. hahaha

    ReplyDelete
  7. Kahit matagal update sulit sa takbo ng story..sana masundan agad.thanks crayonbox

    ReplyDelete
  8. YEHEY. SULIT PARIN. D KO ALAM PARANG NA TUTURNOFF AKO KAY AKI!.
    kuya crayon gawa kanaman ng redeeming chapters for aki. huhuhuhu. nice chap kaso kala ko naman mag uupload ka ng lima so bitin. parin.

    GBU kuyaaa :)

    -ichigoXD

    ReplyDelete
    Replies
    1. hehehe ganun ba? darating tayo diyan... :)

      Delete
    2. wahhh nagreply kaaa! hahahaha. ooo medyo natuturn off nako kay achilles, huhuhuhu ang sakit lang ng last chapter mo! redeeming chapters please!

      -ichigoXD

      Delete
  9. bbbitiiiinnnnnnnnnnnnn...........

    ReplyDelete
  10. feeling ko magkakilala si lyka at lui. pakawala ni lui si lyka para mapalayo si aki kay kyle. bka magkapatid sila or magkaibgan. FEELING ko lang nman.

    ReplyDelete
  11. @ramzter salamat sa laging pagbabasa....

    @vien tama d nko mxadong pressured ngayon hahaha

    @wicked dwight ahmmm... pag-icpan ko po ha? pasensya na medyo maarte... medyo private din kc yung fb ko eh...

    @pjberdz konting tiis lang po hehe


    @sa dalawang anonymous na nagcomment thank you po!!!

    ReplyDelete
  12. Waahhhhhhhh!!!!! Bitin naman crayon eh.. Cant wait for friday.. Hayyy.. I guess i just have to wait :(

    #Chubbz

    ReplyDelete
  13. b@#$%t kang Aki ka!hehe.magsama kayo ni Lyka

    ReplyDelete
  14. Sir Crayon! Ang tagal ko po tong hinintay! C:

    Buti naman may updates na!

    ReplyDelete
  15. thank you sa update.... really like this story..


    -kiko

    ReplyDelete
  16. Hay author kakabitin... how many years nman kmi mag aantay ng update?!.....


    Gerard

    ReplyDelete
  17. its monday.. 4 days n lang Chap. 13 and 14 update na.. hehehe.

    Mr. Crayon and the readers of Love Sex and Insecurity you can add my FB account. just leave a message as well that you are one of the fans of this story like me.

    vien.montillano@gmail.com

    thanks.

    ReplyDelete
  18. ang tagal kong naghintay.... pero worth it naman ang pag hihintay.
    mag update kna ulet author! hehe
    - yuji :3

    ReplyDelete
  19. yung tipong di ka na makapag intay ng biyernes maski miyerkules na at alam mong mabibitin ka nanaman kasi dalawang chapters ung aasahan mo, pero matutuwa ka na naman kasi masusubaybayan mo na ulit sina kyle, renz at aki haaay di na ako makapag intay ng biyernez

    mr.crayon gawa ka na ng fb page mo please

    -kylie.bog2@gmail.com

    ReplyDelete
  20. bitin much! more more! ^-^

    ang bad2 ni aki. ayy nakuu. tss.
    pero love ko p dn siya. ;)

    -Ms.C

    ReplyDelete

FOLLOW US

Follow us in
- Friendster: www.friendster.com/msob
- Twitter: twitter.com/msoblue
- Facebook

Add michaelshadesofblue as your friend in facebook, friendster, and twitter: juha.michael@gmail.com

Disclaimer

All images and videos in this site are copyrights of their respective owners and "MSOB" claims no credit unless otherwise acknowledged. If you own the rights to any of the images or videos and do not wish them to appear on this site please, contact us at getmybox@hotmail.com and the items in question will be promptly removed.

LinkWithin

Related Posts with Thumbnails