Kiss The Rain Chapter 14

Pauna: Nais ko magpasalamat sa lahat ng patuloy na tumatanghilik sa storya kong ito. Grabe kung alam ninyo lang gaano ako natutuwa sa mga comments ninyo. Salamat po talaga! (^_^)

Guys nga pala pakiabangan ang Libro na ilalabas ng mga pinagsama samang mga magagaling na manunulat na wala akong binatbat. hahahahaha!

Michael's Shades Of Blue Anthology

14 Stories of Love, Paranoia and Hunger.

Soon to hit the shelves of National Book Store.

Ngayon tapos na ang Commercial! start na tayo! ^_^

Kiss The Rain

Chapter 14

Cat Fight

Erwin Joseph Fernandez

Hirap akong imulat ang mata ko pero ipinilit ko pa din at tuluyang tumayo mula sa pagkakahiga ko. Napahawak naman ako sa ulo ko dahil sa sakit. Nagtaka naman ako at bakit ang damang dama ko ang lamig sa balat ko.nagulat na alng ako ng masilip ko sa ilalim ng kumot na wala akong saplot.  Pagtingin ko sa kaliwa ko naman ay si Donnie agad ang nakita ko. Tulog pa din ito naka nganga at wala din itong saplot tulad ko.

“naginuman nga pala kami kagabi nila Jhepeth.” mahinang usal ko.

“Mhie good morning….” Bati sa akin ni Donnie na matatawa ka kung sakali ikaw maka kita.

“Good morning din.” Humahagikgik kong sabi.

Umupo naman ito sa tabi ko at niyakap ako.

“Mhie I love you.”  Bulong niya sa akin.

“I love you more Dhie.” Bulong ko pabalik.

“pa kiss ako.” Naka nguso nitong sabi.

“Ewww! Morning breath! Toothbrush ka na muna!” sabay balikwas ko  sa kama patayo at nagtatakbo palayo sa kanya.

Nasa akto akong ganun ng bumukas ang pinto at bumulaga si Mama. Knowing na wala pa akong ni kahit anong saplot sa katawan ay napasigaw ako at luhod sa kinatatayuan ko para takpan ang alam ninyo na.

“Mag bihis na kayo. May pagkain na sa baba.” Naka ngising sabi ni Mama habang sinasara ang pinto.

“Dhie, bihis ka na mauna ka na sa baba.” Naka nguso kong sabi.

“Opo aking porn star na nahuli ni Mama.” Pangaasar nito sa akin.

Dalian naman nag bihis si Donnie pati na rin ako. Pagkadamit nito ay hinalikan ako nito sa pisngi at bumaba na papunta kila Mama.

Ako naman ay nagsuot lang ng boxer shorts at sando. Pagkatapos ay inayos ang kwarto. Napansin ko naman ang cellphone ko na naka patong sa side table.  Kinuha ko ito at tinignan ang cellphone chain na binigay ni Argel. Napabuntong hininga na lang ako.

“This should end…” mahinang bulong ko habang naka tingin pa din sa cellphone ko.

Napagdesisyonan ko na tangalin ang cellphone chain na binigay sa akin ni Argel  at itinabi na lang ito sa shoebox na nasa cabinet ko. Kasama nito ang mga souvenirs noong highschool. Saka nilapag ko ulit ang phone ko sa side table. Akmang lalabas na ako ng pinto ng kwarto ko ng tumunog ito palatandaang may txt na natangap pero di ko na iyon pinansin at lumabas na ng kwarto.

Lumipas naman ang maghapon at dumating ulit ang dalawang kumag kong kaibigan. Sila Jhepeth at Kenji. Nagyaya ang dalawa na gumala sa isang mall sa divisoria.

“Peth, Sure ka ba na nasa  Divisoria pa tayo?” Sabi ko habang linga ng linga sa mga nakapaligid sa akin.

“daig mo pa si Dora. Ang galling mo humanap ng magagandang pasyalan.” Si Donnie.

“Tamana daldal. PapaDonnie, pahiram muna ako sa bestfriend ko ha! Baby Kenji, Igala mo si Donnie” sabi ni Jhepeth habang mabilisang hinihila ako palayo sa boyfriend ko.

Nagtatakang tingin lang ang ibinato ko kay Jhepeth habang patuloy kaming naglalakad. Ng makarating naman kami sa Starbucks ay agad pumasok ito at pinaupo ako sa pinakamalapit na sofa.

“My treat.Marami tayong paguusapan.” Naka ngiting sabi nito sa akin habang nasa harap ng counter.

“Ayan nanaman po kami….” Sabi ko na lang sa loob loob ko.

Maganda naman ang naging takbo na usapan naming ni Jhepeth. Lahat ng dapat niya malaman ay sinabi ko sa kanya. Wala ni isang detalye akong pinalampas.

“Tarantadang bilat yun! Makita ko lang yan papaikutin ko peslabu! Nakuuuuuu!” Gigigl na gigil na sabi ni Jhepeth pagkatapos ko mag kwento.

“Wow!Baka magputukan ang ugat mo sa leeg niyan. Relax lang.” pag awat ko ditto.

“Sige sige sige! Pero wag lang talaga kami magkasalubong.” Sabi ni Jhepeth habang kinakalma ang sarili niya.

“anyway tungkol kay Donnie. Che, ano bah! Saan ka pa makakahanap ng katulad niya? Parang awa mo na tapusin mo na ito. Saludo na ako kay Donnie sa sobrang pag intindi niya sa iyo. “ Pagpapatuloy nito habang naka lahad pa ang kamay nito sa harapan ko.

“Kahit di mo sabihin tatapusin ko na ito. Oo bilib at napaka thankful ko kay Donnie sa ginagawa niya para sa akin.” Sabi ko habang hinahalo ng straw ang iniinom ko na kape.

“Good. Tatapatin na din kita. Alam mo kung wala si Argel lang sa buhay mo ay napaka ganda na siguro. Kaya kung hangga’t maari tapusin mo na ang gulo na ito. Ayoko na umulit ulit ng opinion ko. Parrot na ang drama ko nyan. Gosh!” maarte pero direchong wika sa akin ni Jhepeth na siyang ikinataas ng kilay ko.

“opo madam. Anyway kung wala naman ang drama ko sa buhay na ito wala ka magiging past time. Tsismosa!” biro ko sa kanya.

Doon na nagsimula ang batuhan ng biro at tawanan naming dalawa. Wala na kaming pakielam kung may iba pang tao sa loob ng kapehan na iyon.

Donnie Domingo

“Saan kaya dinala ni Jhepeth si Mhie?” Tanong ko sa kasama ko.

“Nasa tabi tabi lang yun. Bestfriend niya yun nuh. Wag ka mag alala safe si Ewin.” Sabi ni Kenji sa akin habang tinitignan ang damit  na nasa harap niya.

Lakad dito lakad doon ang ginagawa naming dalawa sa loob ng mall na iyon. Nakakapanibago din dahil nasanay na din akong si EJ lagi ang kasama ko pag mag mall.

“Donnie, Wag ka maoffend sana sa itatanong ko.” Biglang sabi ni Kenji habang tinitignan ang isang piraso ng damit na hawak nito.

“Sige lang.”

“Di ka ba nagsasawa masaktan sa nangyayari sa inyo ni EJ? Away - bati?”

“Hindi.” Walang pag aalinglangan kong sagot.

Napatingin naman sa akin ito pagkasagot ko.

“You really do love him. Hindi ko na kailangan ng explanation mo. Baka maubos buong araw sa iyon” Natatawa nitong sabi sa akin habang binabalik ang hawak na damit sa rack.

Lumabas na kami ng boutique pagkatapos ng kaunting usapan na iyon.

“Donnie, Swerte ng kaibigan ko sa iyo talaga. Nakakainggit sana balang araw matapat ako sa kaugali mo.” Sabi nito sa akin habang winawasiwas sa ere ang daliri.

“Kenji, Mas swerte ako sa kanya. Nandiyan pa din siya sa tabi ko kasi.”

“Makeso ka talaga.Kahit kalian.Tara hanapin na natin yung dalawa gutom na ako.”

Erwin Joseph Fernandez

Matapos ang kwentuhan namin magkaibigan sa buhay ko ay sa kanya naman ang hinalungkat ko.

Natatawa man ako sa kwento nito tungkol sa pagiwas sa kanya ni Kenji ay pinipigilan ko pa din. Baka lumipad kasi sa akin ang kutsilyong nasa platito sa harapni Jhepeth.

“Imagine mo Che, ako na lumalapit ayaw pa?” angal nito sa akin.

“Bakit ba trip na trip mo si Kenji? Pwede ka naman tumalo ng iba.”

“Che, naman alam mo naman bet na bet ko na yun matagal na since pinakilala mo sa akin.”

“Gusto mo siya .eh ikaw ba gusto ka niya? Bakit di na lang yung lalaki na yun ang taluhin mo.” Sabay turo ko sa lalaking nasa di kalayuang mesa sa amin.

“Gwapo, Matangkad, Chinito. Pasok sa banga. Kaso walang charm ni Baby Kenji….”

Sakto naman lumingon ang lalaki at nakita nitong naka tingin si Jhepeth sa kanya at nginitian ito.

“Peth, nakita kang naka tingin. Nginitian ka! Chance!” pabulong kong sabi rito.

“Che, Plangak! Gwapo ng ishmile! Pwede na to.” Bulong niya pabalik na kinikilig pa.

Maya maya pa ay sumulyap kami ulit sa lalaki kanina at di naman nabigo si Jhepeth dahil kinawayan siya na nito.

“Che, Kumaway! Soulmate ko na ito! This is the moment!” maharot nitong bulong  sa akin. Halatang halata ang kilig nito.

“Dahan dahan naman Peth, di mo pa kilala soulmate na agad.”

Kumaway pabalik naman ang lukaret kong bestfriend pabalik sa lalaki na iyon. Wrong move naman ata iyon dahil tumayo na ang lalaki tutumbukin ata ang lamesa namin.

“Che, ayan na! ayan na! maganda ba ako? May oil spill ba ako sa mukha? Mabantot ba hininga ko?” sunod sunod na tanong nito sa akin na sinagot ko lang ng ngiwing ngiti at isang thumbs up sign.

Ng makalapit na ang lalaki sa pwesto naming ay binuhos na ni Jhepeth lahat ng pa-kyut powers nito sa isang…

“Hi…”

Nginitian naman siya ng lalaki pabalik.

“Ngay mhiss.Khyut a phala a peonal. Pene manguha ng umber mo?” sabi ng lalaki na siyang nagpabagsak ng panga naming pareho.

Nagkatinginan naman kami pareho dahil sa di inaasahan na bagay….

Mabait naman inabot ni Jhepeth ang isang tissue na may numero niyang naka sulat sa lalaki.

“Cge I think we need to go na. may pupuntahan pa kami ng best friend  ko.” Palusot nito sa akin.

“Mhumye tek na lang ita.” Naka ngiting sabi ng lalaki sa amin.

Dali dali naman akong kinaladkad palabas ng Starbucks ng bruha kong kaibigan at ng makalabas na kami ay nilingon nito ang lalaki at nag  gesture na tawagan siya. At ng tuluyan na kami makalayo ay dinagukan ko ito.

“Bruha!Anong  nakain mo at ginoyo mo pa ang lalaki na yun.”

“Sira! Binigay ko talaga number ko! Text lang naman gagawin saka saying gwapo pa din. Saka natatawa na ako kaya umalis ako kaagad.”

“Ang sama mo talaga babae ka. Pagtatawanan mo pa.” taas kilay kong pangaral dito.

“sige na masama na ako pero may mas masama sa akin na kilala ko.”  Seryoso nitong sabi sabay turo sa isang babae na abot ng tanaw naming dalawa.

Si Angelica at may kasama itong lalaki at di si Argel ito.

Ibinalik ko naman ang tingin ko kay Jhepeth at kitang kitang galit sa mata nito.

“oh no Peth! No! No! wag!” pag awat ko dito sabay hawak sa braso nito.

“wag mo ako aawatin. Let me do this kundi ikaw ang sasamain sa akin.” Pagbabanta niya sakin habang inaalis ang kamay ko sa braso niya.

Shock how Jhepeth acted ay binitawan ko agad ang kamay nito at mabilisan ko itong hinabol papunta kay Angelica na walang kaalam alam na nandoon din kami.

“Hoy babae!” pag tawag pansin ni Jhepeth dito kahit ilang metro pa layo nito.

Tila nagitla naman sa narinig si Angelica at mabilis itong napalingon kay Jhepeth at binigyan ito ng pangkontrabidang ngiti.

Ako naman ay napangiwi na lang.

“Oh. Ang babaeng squatter.” Kalmado at puno ng ereng sabi ni Angelica.

“Di ako papatol sa lait mo. Anong naisipan mo at ginawa mo sa bestfriend ko iyon?” diredirecho at walang prenong si Jhepeth.

“Well let’s make it simple. Argel is such a trophy. At dapat akin yun kaya ko ginawa. Simpleng logic stupida!”

Kitang kita ko ang pag sara ng kamao ni Jhepeth sa narinig niya mula kay Angelica.

“Kung trophy mo si Argel sino ito kasama mo?” gigil na tanong ni Jhepeth.

“Boyfriend kong hunky.  Jhasper say hi to them. This is Stupidang squatter Jhepeth and that one over there is Erwin. He is gay and kadiri.” Sabi nito sabay arte na kala mo ay kinikilabutan sa sinasabi niya.

Nagaalangan naman ngumiti ang boyfriend nito sa amin at inilahad nito ang kamay kay Jhepeth. Ngunit hinila ni Jhepeth and kamay nito at sinugod na si Angelica at hinablot ang buhok nito. Halos walang tao sa parte ng mall na iyon kaya naglakas loob na rin ang kaibigan ko gawin iyon.

Tila napako naman ako sa kinatatayuan ko at pinanuod ko paano iwagiwag ni Jhepeth si Angelica sa harap ko.

Aawat naman sana ang boyfriend ni Angelica pero sinigawan ito ni Jhepeth.

“Wag na wag ka sasali!” Matinis  gigil na gigil na sigaw ni Jhepeth habang iwinawagwag pa din ang walang kalaban laban na si Angelica na wala naman magawa kundi umiyak at sumigaw sa sakit.

Di ko alam sa sarili ko pero lihim akong napangiti sa nangyari.

Maya maya pa ay naka tawag pansin na ang komosyon na ang ginagawa ni Jhepeth kay Angelica.

May mga nanunuod ng mga usisero.

Maya maya pa ay nagsidatingan na ang mga security guard ng mall kasabay din nito ang pag dating ni Donnie at Kenji.

“Mhie, ok ka lang? ano nangyayari?” alalang alalang tanong sa akin ni Donnie.

Tanging tango at pagturo sa pwesto ni Jhepeth lang ang naisagot ko sa kanya.

“Diyan ka lang wag ka aalis.” Bilin niya na sinagot ko lang ng tango.

Agad naman niyang pinuntahan si Jhepeth para pigilan ito.

Kitang kita ko ang pag pigil ng mga security guard at ni Donnie kay Jhepeth.

Matagumpay naman nilang napaghiwalay ang dalawa. Nakaagaw pansin naman sa akin ang nasa kamay ni Jhepeth na mga buhok galing kay Angelica. Mga hair extensions.

“Punyeta ka! Bukod sa ugali mo pati buhok mo peke din pala! Ano pa peke sa iyo!” gigil na gigil pa rin na sabi ni Jhepeth kay Angelica na umiiyak at hawak ang ulo nito siguro dahil sa hapdi at sakit na gawa ng pagsabunot sa kanya .

Si Donnie at Kenji naman ay kita kong napahagikgik sa sinabi na iyon ni Jhepeth.

“Tandaan ninyo mukha ng babaeng iyan. Mayaman yan pero malaki ang pagkukulang sa pagiisip! Relasyon ng may relasyon sinisira! At take note may boyfriend pa iyan! Di ko malaman kung ang katawan din ba niya ay nasasakupan din ni Mayor Binay. Makati!”

Bulong bulungan at may mangilan ngilang tawanan ang narinig ko mula sa mga nanunuod sa paligid. Ako din ay di mapigilan ang ngiti kumumawala sa labi ko. Ayokong mag paka plastic pero nakaramdam ako ng pag ganti sa ginawa ng kaibigan ko sa kanya.

Mabilisan naman umalis si Angelica sa lugar na iyon matapos ang nangyari. Pero bago iyon ay nakita ko munang nagtitigan ang boyfriend ni Angelica at si Kenji.

Wala lang siguro iyon.

Ng masiguro ng wala ng gulo ay nagsilalisan na ang mga security guards at ang mga nanunuod.

Patakbo naman pumunta sa akin si Jhepeth at naka ngiti ito na akala mo ay walang nangyari.

“ oh pa frame mo! Isabit mo sa bahay ninyo.” Tawa tawa nitong sabi sa akin sabay abot ng extensions ni Angelica sa akin.

Natawa naman ako at niyakap ang kaibigan ko at hinimas himas ang likod nito.

“Salamat Peth. Wag mo na uulitin yun ha!”

“Ah basta walang aaway sa iyo. Kundi ako ang makakaharap nila.” Mayabang na sagot ni Jhepeth.

“Ang sweet ninyong dalawa nakakaiyak…” singit ni Kenji.

“hoy tarantado ka anong sinasabi mo. Ikaw nga itong di man lang ako piniggilan. Buti na lang malakas humatak si Donnie at nakipag titigan ka pa sa Jhasper na yun!”  ang nakapamewang na si Jhepeth.

“Cute kasi eh….”  Kamot ulong sagot na lang ni Kenji.

“Che, Kain tayo my treat. Tama na iyan.” Sabat ko sa dalawa.

Nagpatiuna naman na kaming dalawa ni Donnie maglakad palayo sa dalawang nagbabangayan nanaman.

 Argel Joseph Francisco

Walang kagana kaganang akong naka upo sa terrace ng bahay namin. Nakatanaw sa malayo. Kung ano mang tinititigan ko di ko rin alam.

Wala siguro.

Wala nga talaga.

Tulad ng pagasa kong makuha pa ang pagmamahal kay EJ na gusto ko maranasan wala na.

Should I find someone else?

Kung may mahanap man ako. Ganoong pakiramdam din kaya ang mararanasan ko tuwing kasama ko si EJ?

Nasa ganito akong pagiisip ng mag ring ang phone ko at nag register ang pangalan ni Angelica dito.

“Ano?” walang kagana ganang sagot ko.

“Sinabunutan ako ng kaibigan nung EJ.” umiiyak na atungal nito sa akin.

“Si Jhepeth?”

“oo.”

“Natangal extensions mo?”

“oo.”

“Ah ok. Sige. Bye.” At binaba ko agad ang phone ko.

Parang timang naman akong natawa sa narinig ko at mula sa pag eemo kanina .

Pagkatapos ng ilang minuto naman ay bumalik na din ang katahimikan ko sa kinalulugaran ko.

Napaisip kung ano ang gagawin at ano pwede kong gawing sulusyon.

“EJ.” sambit ko sabay bitaw ng malalim na buntong hininga…

Itutuloy.