“Nasaan na?”
“Ang alin?”
“Ikaw at ako.”
“Ah. Nandito
pa rin.”
“Hanggang dito na lang talaga?”
“Gusto mo ba
ng iba?”
“Anong ibig mong sabihin?”
“Wala.”
“Okay.”
“Alam mo
namang nandito lang ako.”
“Bilang?”
“Bakit ako
magbibilang?”
“Ha?”
“Wala.”
“Okay.”
“Hindi naman
kita iiwan.”
“Paano pag iniwan kita?”
“Basta ba
masaya ka eh. Hindi na kita pipigilan.”
“Paano kung hindi iwan?”
“Edi dito lang tayo.”
“Hindi tayo gagalaw?”
“Ewan.
Hindi? Siguro.”
“Bakit hindi ka sigurado?”
“E ikaw
sigurado ka?”
“Hindi. Parang.”
“Ikaw din
pala.”
“Kailangan kita.”
“Bakit?”
“Ikaw ang kumukumpleto sa akin.”
“Bakit
kulang ka ba noong wala pa ako?”
“Hindi naman. Basta, iba ang saya ko kasi
alam kong nandiyan ka.”
“Masaya
akong napapasaya kita.”
“Salamat. Pero paano kung may iba nang
nagpapasaya sa akin?”
“Bakit, may
iba na ba?”
“Wala pa naman. Malay mo, hindi na kita
mahintay.”
“Hindi naman
ako nagpapahintay.”
“So paano nga?”
“Kung may
iba nang dahilan sa mga ngiti mong ‘yan?”
“Oo.”
“Malulungkot
ako.”
“Kasi?”
“Hindi na
ako ang dahilan niyan eh.”
“Akala ko ba magiging masaya ka kapag may iba
na ako? Tapos ngayon malulungkot ka? Ang gulo mo.”
“Magiging
masaya ako para sa’yo. Pero malulungkot ako para sa akin.”
“Ah. So, anong gagawin mo?”
“Wala.”
“Bakit wala?”
“Masaya ka
na eh.”
“Ganon?”
“Oo.”
“Okay.”
“May
nagpapasaya na bang iba sa’yo?”
“Bakit?”
“Kung meron
kasi, handa naman akong pakawalan ka.”
“Tingin mo makakatingin ako sa iba habang
nandiyan ka?”
“Ewan ko sa’yo.
Meron nga?”
“Wala.”
“Good.”
“E ikaw?”
“Anong ako?”
“Masaya ka ba?”
“Oo.
Nandiyan ka eh.”
“Ako lang ba?”
“Hindi.”
“Okay.”
“Sarcastic.”
“Hindi mo talaga kaya?”
“Ang alin?”
“Ang iwan siya para sa akin?”
“Mahal ko
siya eh.”
“Ako hindi?”
“Mahal.”
“Bakit hindi na lang ako?”
“Bakit hindi
na lang din ako?”
“Anong sinasabi mo?”
“Akala mo
hindi ko alam.”
“Ha? Hindi kita maintindihan.”
“Mayroon ka
rin namang iba.”
“Hindi naman kami.”
“Pero hindi
mo siya maiwan.”
“Bakit siya ba naiwan mo na?”
“Hindi.”
“Quits lang.”
“Okay.”
“Kaya mo na akong pakawalan?”
“Bakit, kayo
na?”
“Hindi nga. Kulit!”
“E bakit
kita papakawalan?”
“Nasasaktan na tayo eh. Nakakasakit pa.”
“Nahihirapan
ka na?”
“Oo. Ikaw?”
“Oo.”
“So?”
“So ano?”
“Let go na?”
“Napapagod
na rin ako sa sitwasyon natin.”
“I’ll take that as a yes.”
“Okay.”
“Huwag mo nang uulitin ‘to ah.”
“Ang alin?”
“Ito. Yung ganitong sitwasyon. Huwag mo nang
gawin sa iba.”
“Ah.”
“Huwag pababayaan ang sarili. Magpataba ka
pa.”
“Bakit
parang nagpapaalam ka na?”
“Anong bang ginawa mo sa akin, sa sitwasyon
natin?”
“Nag-let go?”
“Ito na ‘yun.”
“Ah. Talaga?
So kahit friendship, wala?”
“Do you think it would help?”
“Siguro.”
“Sa’yo ako naging pinakamasaya. Tandaan mo ‘yan.”
“Oh?”
“Oo. Kahit na lagi kong pinapaalalahanan ang
sarili ko na hindi ka sa akin.”
“Sorry.”
“Don’t be. I created my own pain.”
“I am your
pain.”
“You are. Disguised as happiness.”
“Ha?”
“Kahit masakit, masaya akong nakasama kita.”
“Wow.”
“Bye na.”
“Totoo?”
“Oo.”
“Pwedeng
bawiin?”
“Bawal. Touch move.”
“Mahal mo na
siya?”
“Hindi.”
“Ako, mahal
mo?”
“Sa tingin mo?”
“Bakit hindi
mo sagutin?”
“Sasaktan ko pa ba lalo ang sarili ko?”
“Okay.”
“Alis na ako.”
“Saan ka
pupunta?”
“Uuwi.”
“Hindi na
tayo sabay?”
“Hindi na.”
“Sigurado
ka?”
“Ikaw, sigurado ka na?”
“Ang gulo
mo.”
“Ikaw din.”
“Sorry.”
“Huwag nga.”
“Kung
nakilala lang kita ng mas maaga…”
“Ganyan talaga ang buhay.”
“I love you.”
“You don’t.”
“Mahal nga
kita. Espesyal ka sa akin.”
“Hindi ako ang mahal mo.”
“Do you hate
me?”
“No.”
“You love
him?”
“Hindi nga. Paulit-ulit.”
“Paano ka?”
“Anong paano ako?”
“Mag-isa ka
na lang?”
“Yup. Back to normal.”
“Kaya mo?”
“Nakaya ko dati. Bakit hindi ulit ngayon?”
“Sigurado
ka?”
“Ikaw, sigurado ka?”
“Heto na
naman. Tara, uwi na tayo.”
“Uy.”
“Ano?”
“Na-realize ko lang…”
“Ang ano?”
“Wala palang ‘tayo’.”
“Ha?”
“Never nagkaroon ng ‘tayo’. Ever since, ikaw
at ako lang. Nagkataon na nasa iisang lugar at gumagawa ng mga bagay na gusto
ng isa’t isa.”
“Ano na
naman ‘yan?”
“Isa’t isa. Ang galing! Isa at isa. Dalawa
pero hindi nag-isa. Magkasama pero hindi nagsama. Gets mo?”
“Hindi.”
“Intindihin mo. Iyan tayo. Mali pala. Iyan
ako at ikaw.”
nice conversation... Pbb teens??? choz
ReplyDelete