Sa Muling Pagkikita Chapter 9

Author's Note:

Maraming salamat kay Kuya Mike na ilathala ko ang aking kwento dito sa MSOB na hango sa tunay na buhay. Nagpapasalamat din ako sa mga admins na ipagpatuloy ko pa ang paglalahad ng aking isinusulat especially kay "Parts" Justyn Shawn.

Nagpapasalamat din ako sa mga silent readers at sa mga nag-comment.

Kailangan ko  po ng inyong opinion or suhestiyon upang mapaganda pa aking pagsusulat. 

"Sa Muling Pagkikita"

Chapter 9

By: wwjd_ar26

Nanatili lang ako sa aming bahay hanggang sa hapon ng Sabado. Doon lang ako sa aking kwarto nagmukmok at inilabas ang sama ng loob. Hindi ko lubos maisip kung ano ang nagawa kong pagkukulang para pagtaksilan ako ng aking minamahal. Lahat na ay ginawa ko and I don’t deserve this kind of treatment. Kahit naman siguro sino, masasaktan kapag ang karelasyon mo ay nalaman mong nakikipagtalik sa iba. Kaya nakabuo ako ng disisyon.

“Makikipagkita ako kay Tom”saad ko sa aking sarili. Lumabas na ako ng aking kwarto at inayos ang sarili upang hindi mahalata ang pamamaga ng aking mata ngunit napansin pa rin ito ng mga kapatid at ng aking magulang.

Sinabi ko na lang sa kanila na may sore eyes ako. Nagsuot ako ng sunglasses hindi upang hindi sila mahawa kundi para takpan ang namamaga kong mga mata.

Nakipagkita nga ako kay Tom sa Cubao ng hapon din iyon.

"Ano plano mo?" tanong sa akin ni Tom

"Wala gusto lang kita makita at makasama" pagsisinungaling ko kay Tom.

Di ko pinaalam kay Tom na kina Yves kami pupunta at ganun din naman si Yves na pupunta sa kanila si Tom.

Ang plano ko talaga ay papuntahin si Tom sa bahay ni Yves at doon na rin siya mag-overnight. Hindi ko alam kung ano kahihinatnan nito ngunit hinanda ko na lang ang sarili ko sa kung ano man ang mangyari.

Sa kauna-unahang pagkakataon napagpasyahan kong buksan ang isip sa threesome kahit sabi ng puso ko ay mali. Mali ngunit gusto ko na madama din niya ang sakit na ibinigay niya sa akin. Gusto kong makita niya kung gaano kasakit ang pinagtaksilan.

Dumating kami sa kanila na wala pa si Yves dahil nasa trabaho pa ito.

Pinagpahinga ko muna si Tom dahil alam kong pagod ito galing sa kanyang biyahe. Malayo pa kasi ang inuuwian niya. Pinagpahinga ko siya sa kwarto ni Yves habang hinihintay namin siya.

Ako naman ay tumulong sa pagbabantay ng tindahan at carinderia ng mga magulang at kapatid ni Yves habang hinihintay siyang dumating. Nakaugalian ko nang tumulong sa kanila sa ganitong panahong hinihintay ko siya at kapag walang ginagawa. Nalibang ako.  Masaya kahit papaano na makatulong at makausap sila.

Bumalik na ako sa bahay ni Yves dahil alam ko na nakauwi na ito dahil sa ganitong oras ang kanyang labas sa trabaho. Alam kong nagulat si Yves nang datnan niya si Tom sa kanyang kwarto.

Papasok na sana ako sa kwarto niya  ngunit nadinig ko ang kanilang mga ungol.

Di ako kumatok o subukan buksan ang pinto.  Napaupo na lang ako sa dulo ng hagdanan at naghintay.

Walang luhang tumulo sa aking mga mata dahil kasama talaga ito sa plano ko at handa na ako dito.

"Humanda ka sa paghihiganti ko" sabi ng isip ko. Habag nasa ganon akong kalagayan. Nagbukas na ang pinto ng kwarto ni Yves.

Nagulat siya nang makita niya ako sa hagdanan at naghihintay.

"Matagal ka na ba diyan?" tanong sa akin.

Nagpanggap ako na kararating ko lang at wala ako nadinig. “Kadadating dating ko lang din”sabi ko sa kanya. Bakas sa kanyang mukha ang labis na pagtataka.

Niyaya ko silang mag dinner. Nagdala din ako ng makakain galing sa carinderia ng kanyang mga magulang. Dalhan ko daw si Yves upang may makain.

Habang kami ay kumakain sa hapag ay wala sa amin ang nagsasalita. Walang kibuan. Parang hindi kami magkakilala.

Habang tinitingnan siya ay gusto ko siyang sapakin. Gusto ko siyang sigawan. Murahin. Suntukin. Ngunit hindi ko magawa… dahil mahal ko siya.

Pagkatapos naming kumain ay nagligpit muna kami ng aming pinagkainan. Konting usap-usap pero hindi ako umiimik kung hindi kinakilangan. Baka kasi may masabi akong hindi nila magustuhan. Kaya tahimik na lang akong nakikinig sa kanila.

Ang sunod na nangyari ay niyaya ko na silang matulog; nang magkakasama. Pero imbes na sa kwarto kami ni Yves ay sa kabilang kwarto kami dahil mas malaki ang higaan nito kahit dalawa ang higaan niya. Plano ko talagang magkatabi kaming tatlo matulog. Buti na lang at wala si Ate Bianca dahil nasa Pampangga at ang mga magulang naman niya ay sa carinderia na natulog gawa ng walang magbabantay dito.

Nasa kaliwa ko si Tom at kanan naman si Yves; ako ang gitna. Pero sa halip na kay Yves ako humarap ay kay Tom ako bumaling at kinausap ko ito.

Hanggang sa umabot kami sa pagniniig. Nagtalik kami. Pinalabas namin ang init ng aming mga katawan. Kaming dalawa lang habang si Yves, na aking katipan, ay nananatiling nanonood lang. Bakas sa kanyang mga mata ang galit, poot at kasawian habang nakatingin sa amin. Patay ang ilaw ng kwarto ngunit sapat lang upang maaninag mo ang kanyang mukhang luhaan.