Si Louie At Ang Aking Mga Ala-Ala 9

Si Louie At Ang Aking Mga Ala-Ala
Written By : Baste31 - j.a.c.
Chapter 9 : Huling Gabi
Please Click The Link For Previous Chapters:  COMPILATION

Medyo sumakit ang mata ko sa tagal ng pagkakapiring.

Halos wala akong makita pagbukas ng mata ko hanggang palinaw ng palinaw ang image na nakikita ko. Nang tuluyan nang umayos ang paningin ko nakita ko na ang lahat ng mga classmates ko, nakablindfold pa rin at karamihan nakayuko.

Si Louie naman ay nakaupo at nakasandal sa ilalim ng puno ng buko, nakatingin sa akin. Sa sobrang kaba ko huminga muna ako ng malalim at nag umpisa nang magkwento.

"hindi ko alam kung saan mag uumpisa, noon kasi nagising na lang ako na napakasama na pala ng image ko sa lahat ng tao.

Napakapasaway, maloko, hindi nag aaral ng mabuti, ginagawa ang gusto at sakit na nang ulo ng parents ko. But all of that change when I met one of my bestfriends.

Hindi ko naisip na ang aksidente naming pagkakakilala ay magiging dahilan ng pagkakabati nami ng Papa ko. I never thought that a simple sorry can change a life of a person.

Kaya malaki ang pasasalamat ko sa kanya, siya ang nagturo sa akin kung paano maging matapat at magpahalaga.

Palagay ko nga hindi aksidente ang pagkakakilala ko sa kanya, na lahat ay may dahilan, lahat ng nangyayari ay talagang nakatakda. Kaya para sayo tol? THANK YOU!!"

ganon lang kaikli ang message ko pero ang sarap sa pakiramdam pala kapag nailabas mo ang mga nasa dibdib mo. Hindi ko alam na ako pala ang last sa amin na magsasalita, nalaman ko na lang nang sabihin ni Sir na tanggalin na lahat ng blindfolds nang mga classmates ko.

Natapos ang bonding namin sa mga kataga ng Sir na "Harapin natin ang kinabukasan nang walang pinagsisisihan!"

pagkatapos ay pinayagan kami ni Sir na uminom ng kaunti pero no swimming dahil delikado daw.

Ang gabing iyon ay naging pinakaunforgetable dahil mas naging close kami ng mga classmates ko kahit ilang buwan na lang ang dadaan ay maghihiwahiwalay na kami pagkatapos ng graduation.

Tumagay lang kami ng isang shot nila Paul at pumanik na kami sa room na nakalaan sa amin. Dalawang bed ang nasa loob ng kwarto, maaliwalas ang pakiramdam sa loob. Kulay puti ang pintura at bedsheets, kulay beige naman ang kurtina at pillows.

Pinagdikit na lang namin nila Louie ang dalawang kama tapos nagharutan. Nagdaganan, paluan ng unan,tulakan at kilitian. Nang mapagod kami higa kami na iba iba ang pwesto. Ako nakahiga sa tiyan ni Paul pahalang ng kama, si Louie naka ayos nang higa, si Paul naman ay nasa bandang paanan ang ulo.

Tahimik silang dalawa nang maisip ko yung share kanina ni Paul.

"Paul, ang dami mo palang di sinasabi samin, kala ko ba bestfriends tayo? Tsk"

"sorry tol ha? Hindi ko alam kung pano sasabihin eh, pero atleast ngayon alam nyo na. Isa pa wala naman akong planong itago sa inyo."

"ayos lang yon. Wala namang nagbago, magkaibigan pa rin naman tayo." ang sabi ko.

"teka tol, tungkol sa nagugustohan mong girl. Sino yon?" ang dagdag ko pa.

"ahh.. Uhh.. Tol hindi ko pa kayang sabihin sayo ngayon, kapag kaya ko na sa ko na sasabihin.."

"sooos.. Nagsikreto pa, siguraduhin mo lang ha? Kundi.." ang banta ko kay Paul.

"galing mo kumanta kanina ha Louie! Talented!" ang pagpuri ko habang inuuga ng paa si Louie.

"Oo nga Louie, di namin alam magaling kang kumanta." ang sabi naman ni Paul.

"Louie, hoy Louie wala kang imik dyan!" sabay angat ng ulo ko para tingnan si Louie pero nakatulog na pala na nakapatong ang braso sa mga mata.

"tulog na pala tong lokong to, di naman nagsasabi. Tulog na nga rin tayo, inantok tuloy ako. Dito na ko matutulog sa tiyan mo Paul ha? May angal ba? Heheh.."

"heheh.. Bahala ka, pag nangawit ako lalaglag ko na lang ulo mo. Hahah"

"subukan mo.. Heheh.." at ayon nga at nakatulog na kaming tatlo.

Kinabukasan nagising ako na maayos na ang higa namin tatlo. Ang luwag luwag ng pinagdikit na kama pero dikitdikit kaming nakahiga.

Napansin ko na nakayakap si Paul sa akin kaya inangat ko ang kamay nya palayo.

Bumaling ako sa kabilang side ng kama kung nasaan si Louie.

Napakalapit ng mukha ko sa mukha nya, natutulog pa rin pala.

Pinagmasdan ko ang mukha ni Louie, hindi ko alam kung bakit pero parang nahypnotize ako, kahit na tulog napaka gwapo nyang tingnan.

Maganda ang tubo ng kilay kahit di makapal, maganda ang ilong at mapula ang labi, mga katangian na pinapangarap ng babae.

Hindi ko alam kung ano ang pumasok sa kukote ko kung bakit hinalikan ko si Louie sa labi. Kakaiba ang naramdaman ko, parang bumilis ang tibok ng puso ko, hindi ko alam kung dahil sa kaba na magising si Louie o ano.

Ito ang unang beses na humalik ako ng lalake, ang lambot ng labi ni Louie at hindi ko alam kung bakit pero nasarapan ako sa halik na yon.

Pilit kong binura sa isip ko ang ginawa kong iyon kay Louie at umarteng parang walang nangyari.

 "GISING NA! Hoy, GISING NA PAUL, GISING NA LOUIE!!" pag iingay ko.

"good morning!" ang bati ni Paul. "ang ingay mo naman" ang bungad naman ni Louie na parehong nagising sa ingay at pag uga ko sa kanila.

Pagkagising namin ay naligo na kami isa isa. Papahiramin ko sana si Louie ng damit ko pero tumanggi sya gusto daw nya na suotin yung damit nya kahit luma na. H

indi ko na sya pinilit at bumaba na kami sa dining area at hinintay yung ibang kasama namin at kumain. Ang skedule pala namin ngayon ay Island hopping at swimming.

Maraming nagreact sa naging bihis ni Louie nung umagan yon. Iba pa nga sa mga classmates ko nagtanong pa kung bakit ganon yung suot ni Louie, lumang t-shirt at maong shorts na halatang dating pantalon na pinutol para maging shorts.

Hindi naman sila pinansin ni Louie, parang wala lang sa kanya kung ano sinasabi ng mga classmates ko ni hindi nga sya nagsalita ng masama laban sa kanila.

Masaya naman ang naging island hopping namin, kwentuhan habang nasa bangka.

Kulang na kulang ang isang buong araw para libutin ang lahat ng isla kaya wala kaming ginawa kung hindi kumuha ng pictures.

Isinulat pa nga namin nila Paul at Louie sa buhanginan ang pangalan ng bawat isla na napuntahan namin at kinuhanan ng litrato.

Nang magtanghali na ay bumalik na kami sa resort at nananghalian.

Matapos naming mananghaliang lahat nagpalit na kaming lahat ng mga swimwear namin, ang mga girls ay naka see through na damit at sexy na two piece.

Ang iba naman naka sunday hat at shades pa bakasyonistang bakasyonista ang dating kaya tuwang tuwa naman kaming mga boys at busog ang mga mata. Heheh.

Ako naman ay naka floral shorts at nakahubad, yung ibang boys naman naka polo na bukas ang mga butones at nakashades pa.

Si Louie naman ay naghubad lang ng kanyang damit, napakagandang pagmasdan ng katawan ni Louie, kitang kita sa katawan nya na napakasipag na tao dahil defined lahat ng mga muscles nya na parang nag-g-gym.

Yung dibdib nya, yung abs at biceps parang pangmodelo nga kung titingnan hindi pa kasama yung mukha ni Louie na lalong nagpapaganda ng buong itsura ni Louie.

Pero hindi naman papatalo yung katawan ko syempre! Ano pa at nag-gym ako dati. Hehe. Hindi na nga lang napagpatuloy kasi ayaw ko namang magmukhang pangbody builder ang itsura ng katawan ko, yung tamang hubog lang tama na sakin, lamang pa nga ako kay Louie dahil mas maputi pa nga ako sa kanya eh. Hehehe..

Si Paul naman naka polo na bukas ang butones, hindi man ganong maganda katawan wala namang makikitang taba. Hindi naman talaga katawan ang pamatay kay Paul, smile ang pinaka asset nya.

Kapag ngumiti kasi si Paul tiyak matutunaw ang babaeng tititig sa kanya, para nga syang model ng isang brand ng toothpaste kapag ngumiti na, pantay pantay ang mga ngipin at napakaputi.

Noong nakaset na kami derecho kami sa beach, napakasaya namin, habulan, basaan, tinabunan yung katawan ng buhangin, picture taking at syempre swimming!

Habang naliligo kaming tatlo biglang sinabi ni Louie na saglit lang at may sasabihin sya samin ni Paul. Nagpunta si Louie sa buhanginan at nagsulat sa buhangin

"tol SALAMAT sa lahat!" ang message nya samin ni Paul. Napangiti naman kami ni Paul at tinawag si Louie.

"Louie! Tara na dito tama na drama!". Bumalik si Louie samin at nagtawanan kami. Lahat ng mga classmates ko busy sa kanya kanya nilang ginagawa. Yung iba nags-swimming sa swimming pool na nasa resort yung iba naman nagvo-volleyball at yung iba naman nakahiga papag na may umbrella.

Sobrang saya namin ng hapon na yon, medyo umitim na ata kami sa kakabilad sa araw.

Nung mga 6:30pm na maaga kaming pinag dinner ng mga professors namin dahil pupunta kaming bar at magkakaroon ng cocktail party.

Nang malaman namin yun nila Louie nagkangitian na lang kami naalala namin na sa isang bar nag umpisa ang aming pagiging magkaibigan.

Kaya lang ano naman ang maganda idea sa pagpunta sa isang bar? Meron din naman nun sa Manila, kaya napagpasyahan namin nila Paul na hindi na lang kami sasama.

After dinner habang nagp-prepare ang mga classmates namin para pumuntang bar nag-usap naman kaming tatlo kung ano magandang gawin, alangan naman na habang nag-eenjoy ang lahat sa party kami naman natutulog lang?

"ano kaya kung uminom na lang tayo dito sa kwarto? Kapag sa bar kasi baka maramdaman ni Louie na nasa trabaho sya at wala sa bakasyon! Hahaha!" pangungulit ko kay Louie.

Matapos naming magkasundong iinom na lang sa kwarto namin, pinabili ko sila Paul at Louie ng 1 case ng beer at mga pulutan.

Hindi na ko sumama sa kanila para magkausap silang dalawa, pakiramdam ko kasi hindi sila ganun ka-close sa isa't isa, ewan ko ba parang kapag wala ako baka hindi magkikibuan yung dalawa kaya nagbigay daan na kang ako para magkausap yung dalawa.

Nagpalusot na lang ako na ako na bahalang mag-ayos ng kwarto, para pagdating nila pwede nang uminom. Iniusad ko lang naman yung mga kama sa gilid para may space kami, pagkatapos kinuha ko yung camera sa bag ko at tiningnan yung mga pictures. Medyo nainip nga ako dahil ang tagal bumalik nung dalawa.

Hindi naman ako nagkamali dahil pagbalik nung dalawa nagtatawanan pa, nagtaka tuloy ako kung ano nangyari at napag usapan nila, at parang close na close na sila! Natuwa na rin ako kasi yun naman talaga gusto kong mangyari, ayos ang plano ko di ba? Heheh..

Alam ko naman na mag-uusap din yung dalawa kapag wala ako, si Louie pa e napaka palakaibigan nyan napaka "likeable" na tao nyan.

Parang kapag magkausap lang kayo ng kaunti magiging close na kayo. Nilapag namin lahat ng bitbit nilang isang case na beer, isang plastic na ice tube, styro cups at mga pulutan sa sahig.

Habang naglalagay si Louie ng yelo sa styro cups isa isa kong binuksan ang tatlong bote ng beer. Inabutan ko si Paul ng beer tapos ng aabutan ko na si Louie ng kanya..

"siguro ngayon hindi na bawal?!" pagpapaalala ko kay Louie noong abutan ko sya dati ng beer sa bar.

"hindi na BAWAL Sir! Pwedeng pwede na! Hahah" kinuha na ni Louie yung bote ng beer at nagtawanan kaming tatlo sa kalokohan namin.

Tapos non itinaas ni Paul yung bote nya at "Para sa ating pagkakaibigan!!" napangiti nga ako kasi never ko pang nakita si Paul na manguna sa cheers. "Yeaah!" at "Ayos!" naman ang naging sagot namin ni Louie sabay tunog nang nagbabanggaang mga bote.

Habang nag-iinuman kaming tatlo halos hindi naman ako maubusan ng i-k-kwento kay Louie. Ikinuwento ko sa kanya lahat ng kalokohan ko noon, mga chiks at bading na nagbibigay motibo sakin, mga classmates na nakokopyahan ko sa exam na mas mataas pa minsan ang score ko, mga naging girlfriend.

Nang mapag-usapan na ang mga girlfriend naalala ko na may nagugustuhan nang babae si Paul kaya naman kinulit ko sya na sabihin sakin kung sino at saan nya nakilala yung girl. Pero ayaw talaga magsalita ni Paul, naghabulan pa kami sa buong kwarto at nagbuno sa kama.

"ano ha? Huli ka na, hindi mo pa rin sasabihin?" sabi ko kay Paul habang nakaupo sa tyan nya hawak ng mga kamay ko ang mga kamay nya. Kahit hindi makagalaw hindi ko talaga mapaamin si Paul.

"kulit naman! Sasabihin ko rin sayo, di ka lang makapaghintay e.."

"kulit pala ha?! Kapag di mo sinabi hahalikan kita!"

"Waaaggg,." dahan dahan kong inilapit kay Paul yung labi ko para kunwari hahalikan ko sya. Nang medyo malapit na mukha ko kay Paul bahagya nyang iginid yung mukha nya at pinikit yung mata.

"Waaagg.. Ang kulit!" Hindi ko naman talaga tototohanin yung halik kay Paul ng biglang..

"HOY!" Si Louie nasa likod ko na pala, at tinulak ako, kaya derederecho yung labi ko sa gilid ng labi ni Paul. Napabalikwas naman kami ni Paul sa biglang pagki-kiss namin.

"langya naman Louie!!!" ang agad kong nasabi sa kanya sa sobrang gulat.

At isang mahinang suntok sa balikat ang iginanti ko sa kalokohan nya. Habang si Louie e halos mamatay na sa katatawa si Paul naman parang pulang kamatis sa sobrang hiya.

Kaya pinagtulungan naming bugbugin si Louie ni Paul hanggang mapagod kaming tatlo.

Hindi ko na alam kung mga anong oras na yon pero halos maubos na namin yung isang case na beer. Dahil na rin sa pagod at hilo gawa ng beer nakatulog kaming tatlo.

Hindi ko alam kung gaano kahaba ang tinulog ko ng magising ako para umihi. Hindi pa naman umaga dahil wala pang makitang liwanag na tumatagos sa kurtina ng kwarto.

Pagbalik ko saka ko lang napansin na wala pala si Louie sa kama. Nagtaka tuloy ako kung saan nagpunta si Louie kya naglakad lakad ako sa labas para hanapin sya. Paglabas ko ng resort ang sarap ng simoy ng hangin at tahimik ng buong paligid kaya rinig na rinig ko ang kung sino na naggigitara sa di kalayuan.

Pagtingin ko sa paligid nakita ko si Louie nakaupo sa ilalim ng puno ng buko paharap sa dagat naggigitara.

Kaya pinuntahan ko si Louie, nakatingin lang sya sa malayo habang tumutugtog hindi man lang nya napansin na nakalapit na ako sa kanya.

"hindi ka makatulog?" ang binungad ko sa kanya at umupo sa kaliwa nya. Ngumiti lang sya ng pilit na ngiti nang makitang ako ang nagsalita at tumango.

"may problema ba tol?" tinuloy lang nya paggigitara at..

"may naalala lang ako.."

"talaga? Ano?" sabi ko, ramdam na may gumugulo sa kanya.

Napahinto sya sa pagtugtog ng gitara at tumingin sa malayo. 

"si Diane.. 

To Be Continued