Si Louie At Ang Aking Mga Ala-Ala 6

Si Louie At Ang Aking Mga Ala-Ala

Written By : Baste31 - j.a.c.

Chapter 6 : Magandang PagsaSamahan

Please Click The Link For Previous Chapters :  COMPILATION

"tinapon mo?!" halata sa boses ni Louie ang pagkabigla.

"bakit mo tinapon? Pambihira ka talaga! Maayos pa yon! Hay."

"kaya nga binibigay ko na sayo itong damit na to kasi luma na yung damit mo. Ayaw mo ba nito?"

"tsk. Ikaw tol halimbawa makakita ako ng bagong kaibigan ok lang ba sayo na iwanan na lang kita?" nang sabihin yon ni Louie sakin para akong nabuhusan ng malamig na tubig at hindi nakapagsalita.

"hindi mahalaga sakin kung bago o luma ang isang bagay, kapag mahalaga sa akin iniingatan ko!"

Wala na akong nasabi kay Louie at agad umuwi ng bahay.

Iniwan ko pa rin yung mga damit ko kay Louie. Naghanap ko sa lahat ng sulok ng bahay pero kahit anong hanap ko wala na kahit saan, kahit sa basurahan na pinagtapunan ko yung damit ni Louie wala na rin.

Kahit saan palpak talaga ako oh! Sabi ko sa sarili.

 Wala na talagang pag-asa nang mapadaan ako sa likod ng bahay namin ng makita ko si Manang na kinukuha ang mga sinampay. Laking tuwa ko ng makita ko ang damit at pantalon ni Louie sa sampayan!

"Manang! Pano napunta to dito?" sabi ko kay Manang na may pagkasabik ang boses.

"ah Sir, nakita ko po sa basurahan ang mga yan. Mukhang maayos pa naman kaya kinuha ko. Bibigay ko sana sa anak ko Sir"

"ah Manang eto pera ibili mo yung anak mo ng damit at pants ha? Akin na tong mga to! Salamat Manang! Heheh" at inabot ko kay manang yung 500 kapalit ng mga damit ni Louie.

"Sir?! Talaga po? Ay salamat po ng marami.." medyo nagtataka pero masaya naman si Manang sa natanggap na pera.

Dali dali akong bumalik kina Louie kahit magdidilim na. Dumaan na rin ako sa isang fastfood at nagtake out ng mga pagkain.

Pagdating ko kina Louie masayang masaya ako dala yung mga damit ni Louie at pagkain. Nag aayos na pala si Louie para pumasok sa Bar. Laking ngiti ni Louie ng makita yung damit nya na dala ko.

Inayos ni Nanay Mila at Lito yung pagkain sa lamesa at kumain kaming apat.

Tumabi pa nga sakin si Louie at umakbay.

"tol, salamat ha? Alam mo importante talaga tong pantalon sa akin. Bigay pa to ni Tatay nung buhay pa sya." doon ko nalaman na namatay na pala ang tatay ni Louie.

Gusto ko sanang magtanong kaso baka mawala yung masayang ambiance.

"pasensya ka na talaga ha? Tara na kumain na tayo, gutom na ko eh!" nagtawanan kaming lahat at masayang kumain at nagkwentuhan saglit.

Ako na rin ang naghatid kay Louie sa Bar at umuwi na sa amin. Few days ago pauwi ako galing school naisipan kong dumaan sa isang 24hrs convinient store ng makasalubong ko ang Mama ni Paul.

Agad naman nya akong nakilala dahil ilang beses na rin naman ako nakapunta kina Paul kaya nagkamustahan kami.

"good afternoon Mrs. Lopes, its nice to see you!"

"good afternoon too Christian, kamusta ka na?"

"ok naman po ako, kayo po? I heard dinala po kayo ng Hospital recently?" bakas sa mukha ng Mama ni Paul ang pagtatakha at sinabi nya sa akin dahil hindi naman sya na-ospital.

Nagtaka din ako dahil iyon ang sabi sa'kin ni Paul nung magpaalam sya nung magpunta kami ng bar. Hindi ko na inusisa masyado kasi nagmamadali rin yung Mama ni Paul, im sure may reason naman si Paul for making an excuse like that kaya di ko na lang pinansin.

Pagtapos ko dumaan sa convinient store umuwi na ako.

Maganda ang naging performance ko sa school sa mga sumunod na mga linggo, bihira na rin kaming gumimik ni Paul dahil palapit na ng palapit and final exams kasabay pa ang thesis namin di pa kasama dyan ang mga projects ng mga prof namin pero naglalaan kami ng time para makapunta sa bar na pinagtatrabahuhan ni Louie.

Dahil kaibigan ko si Paul madali naman syang naging ka-close ni Louie.

Para kaming triplets ng mga yan, hindi pwedeng may lakad ang isa hindi kasama yung dalawa.

Masaya na rin akong umuuwi ng bahay dahil alam ko na wala ng gap sa pagitan namin ni Papa. At natutuwa naman din si Papa sa magandang ipinapakita ko sa school.

Wala nang mga reports sa kanya na may ginawa akong kalokohan puro magagandang feebacks na lang ang nakakarating sa kanya galing sa mga teachers.

Si Mama naman masaya rin sa nangyayari sa family namin dahil ang laki na raw ng pinagbago ng unico hijo nya.

Syempre naman! Heheh. Good boy na ata ako!

At tinanong pa ni Mama kung kelan ulit dadalaw sa amin si Louie, hindi ko daw kasi naaayang sumama sa bahay.

Kaya one time isinama ko sa bahay sila Paul at Louie.

Tinaon ko talaga na nandoon ang parents ko para makita nila ang mga kaibigan ko. 

To Be Continued