'Untouchable' Chapter 15

Hi, guys! Maraming salamat sa patuloy na pagsuporta sa akda kong ito! And I hope you all enjoyed Christmas. :)

BTW, Uhm... Medyo rated PG itong chapter na ito. Hindi ko alam kung anong masamang espiritu ang sumapi sa akin noong gabi ng Pasko (the time I was writing this chapter) at naging ganito ang takbo ng mga pangyayari. I always tell myself to keep my stories wholesome, pero ewan ko ba talaga kung ano ang mayroon sa akin that night. 

Comment na lang kayo on what you think, please. First time kong magsulat ng ganitong klaseng mga scenes. Please tell me if gusto niyo pa ng ganitong klaseng mga tagpo or dapat tumigil na ako hahaha.

Happy Holidays and Happy Reading! :)

--

Chapter 15

“So ginawa niyo na ba?” aligagang tanong sa akin ni Trisha the following Saturday. Nagdesisyon akong puntahan siya sa bahay niya dahil may hihiramin din akong notes mula sa kanya. “Ang alin?” oblivious kong tanong habang isa-isang inii-scan ang pages ng notebook niya sa scanner nila. “That!” pagpipilit niya. Itinigil ko muna ang ginagawa ko at hinarap siya. Binigyan ko siya ng isang nagtatanong na tingin. Nang madatnan ko ang mukha niya ay nakita kong naghihintay ito ng sagot at tila excited na excited ito.

“Ang alin ba?” naguguluhan ko pa ring tanong sa kanya. Wala naman kasi kaming particular na pinag-uusapan kaya hindi ko talaga maintindihan ang gustong iparating ng tanong niya. Ako’y tahimik lamang na gumagawa sa computer niya habang siya naman ay tahimik na naglalagay ng nail polish sa paa niya. “Iyon! That! Sex?!” sigaw niya na siyang ikinalaki ng mata ko. Wala akong maisagot sa kanya, dahil hindi ko alam kung saan niya biglang hinugot ang tanong niyang iyon.

“Don’t play innocent with me, Gab. Alam kong hindi ka na virgin, noh! And ano naman gagawin niyo ni Justin sa kwarto niya? Magtititigan na lang? Mag-on kaya kayo tangina.” depensa niya. Ako naman ay nakaramdam ng pamumula sa mga pisngi ko. “B-bakit? Dapat ba kapag matutulog ang dalawang tao sa isang kwarto magse-sex agad sila? At ss-aka virgin pa ako!” balik ko sa kanya na siyang ikinatawa niya. “Oh my God, Gab! Huwag ka ng magmalinis. Hindi ka na virgin noh. When you kissed me in my car that one—“ “STOP! Ayoko ng maalala ‘yan, please.” pagpigil ko sa kanya. Kinilabutan ako sa mga pinagsasabi niya. “’Yung paghalik mo, hindi halik ng virgin ‘yon!” pagtatapos niya.

“Okay, I’m going out!” pahayag ko sabay tayo. Ayoko na ang nagiging takbo ng usapan namin ni Trisha. Hindi naman ako ilang sa mga ganitong topic, pero kapag si Trisha kasi ang kaharap ko ay hindi ko maiwasang maging awkward. Unang-una, napaka-prangka at maingay kasi nito, kaya siguradong kahit anong sabihin ko ay magiging OA ang reaksyon nito. Ikalawa, parang kapatid ko na kasi siya at nakakailang talagang magkwento ng mga ganitong uri ng bagay sa isang tao kung kapatid ang tingin mo dito.

“Hey! Joke lang ‘yon. Hindi ko na ulit ipapaalala.” pilya niyang tawa bago ako hilahin pabalik. Tinulak niya ako sa kama niya na siyang dahilan kung bakit ako napaupo doon. “Gabby, magkwento ka na noh. Kung gusto mo pati details ng sex life ko kkwento ko rin basta magkwento ka lang, please.” pagmamakaawa niya. “Ano bang nakain mo ngayon, Trish? Bakit ganyan ka?” asar na tanong ko sa kanya. “Nako naman kasi. Sa tinagal-tagal nating naging friends, ngayon ka lang nagka-love life noh! At isa pa, interested ako kasi ang hot hot ni Justin.” paliwanag niya.

“Ano ba nangyari noong sleepover mo? Gifted ba siya?” pagpilit niya, at wala na nga akong magawa kundi magkwento... kahit pa sobrang nakakahiya ang nangyari, dahil kahit naman anong gawin ko ay alam kong hindi siya titigil kaka-kulit sa akin.

--

Flashback.

“Pwede bang dito matulog si Gab ngayong gabi?” tanong ni Justin sa daddy niya na siyang ikinagulat ko. “Huh?” baling ko sa kanya, dahil wala naman akong alam na may plano pala siyang ganito. Ewan ko ba kung bigla lamang niya iyon naisip, o matagal na niyang pinlano ito. Panandalian natahimik ang hapagkainan, kaya naman naisip kong sumabat na sa usapan. “Tito, okay lang po kung busy kayo...” pagsisimula ko ngunit sumagot agad ang daddy niya. “Nonsense, hijo. You’re always welcome here. Matalik naming kaibigan sila Ronald at Audrey kaya naman hindi ka na iba sa amin.” magiliw na pahayag niya, ngunit nang bumaling siya sa anak niya ay nawala ang ngiti nito. “Justin, sabihan mo na lang si manang na i-set ang guest room.” cold na utos niya sa anak. “No need, pa. Sa kwarto ko na lang matutulog si Gab.” malamig din na sagot ni Justin.

Tahimik. Ramdam ko ang tensyon sa pagitan ng mag-ama, kaya naman sa ikalawang pagkakataon ay sinubukan kong isalba ang sitwasyon nang maging matiwasay naman ang hapunan namin.

“Tita, ang sarap po nito. Kayo po bang nagluto?” pahayag ko bago sumubong muli ng isang kutsara ng kanin at ulam. Napangiti naman si tita at sumagot. “Oo, pero tinulungan ako ni Manang. Mabuti naman at nagustuhan mo. Minsan na nga lang ako nakakapagluto, eh. I’m glad you actually got to try it.” magiliw niyang sagot. Napansin kong nagpatuloy lamang sa pagkain ang mag-ama na parang walang nangyari. “Minsan po turuan niyo naman ako. I cook when I have the time.” pagsisinungaling ko. Sa sinumang nakakakilala sa akin ay alam nilang isang malaking kasinungalingan ito, dahil kahit nga magprito ng itlog ay hindi ko magawa ng tama.

Natuwa naman si tita sa narinig niya sa akin at nagsimula ng magkwento ng kung anu-ano tungkol sa mga putaheng niluluto niya tuwing special occasions. Umarte na lamang ako na naiintindihan ko ang mga pinagsasasabi niya kahit sa loob-loob ko ay alam kong nagsasayang lamang ng oras si tita sa pagpapaliwanag sa akin. Habang nakikipag-usap sa kanya ay sinusulyap-sulyapan ko si Justin at nakita kong mataman akong tinitingnan nito. Ganoon na ang naging takbo ng hapunan hanggang sa matapos kaming lahat kumain.

--

Lumipas ang ilang oras at nakita ko na lamang ang sarili kong nakatayo sa harap ng kama ni Justin. Si Justin naman ay kasalukuyang nakahiga na sa kabilang gilid ng kama. Malaki ang kama niya, ngunit hindi ko alam kung tatabihan ko ba siya o matutulog na lamang sa sahig. Nagkatinginan kaming dalawa bago niya basagin ang katahimikang kanina pa naghahari sa pagitan naming dalawa.

Tinapik niya ang bakanteng side ng kama. “Gab, tulog na tayo.” pahayag niya. “Wala ka bang comforter o foam? Pwede naman ako sa lapag. Baka kasi hindi ka sanay na may katabi sa pagtulog.” request ko. Agad naman siyang umiling. “Tsk. Bakit? Ayaw mo ba akong makatabi? Ouch.” pagbibiro niya na miya mo ay nasaktan talaga siya dahil napahawak pa siya sa dibdib niya na siyang ikinahagikgik ko. “Baliw.” saad ko bago ko siya tuluyang tabihan.

Nang makapwesto na ako ay sumunod namang pinindot ni Justin ang switch ng ilaw na malapit sa kama niya. Tanging ang lampshade na nakapatong sa side table ang nagbibigay liwanag sa kwarto.

Tahimik.

“Hindi ko alam na marunong ka palang magluto.” pahayag ni Justin, na siyang bumasag sa katahimikan. Natawa ako ng lihim dahil sa narinig ko. “Hindi... actually, I suck at it. Hindi ko lang talaga matagalan ‘yung tension kanina. Napansin ko kasi, eh. So I tried to make small talk with your mom.” tugon ko. Sandali siyang natahimik bago sumagot. “Wow... that’s really sweet of you, Gab.” sabi niya sa akin. “Uh, sure... Ayoko kasing ganoon, eh... I care about you.” hindi ko alam kung saan ko ba nahugot ‘yung huli kong sinabi, pero lumabas na lang iyon sa bibig ko. “Wow... thanks. Ako rin naman, eh.” sagot niya.

“So you’ve seen how perfect my family is.” mapait niyang saad. “Maybe you just have to open up to them; speak up your mind. Hindi ko alam, pero baka magandang makipagcommunicate ka sa kanila para malaman naman nila ‘yung side mo.” suhestyon ko. “Siguro nga, pero I never had the chance. Hindi ko pa ginagawa ang isang bagay, hinuhusgahan na nila agad ako. Ewan ko ba, pero mahal ko pa rin sila. Naiinggit lang ako dahil ‘yung mga kapatid ko hindi naman sila ganoon tratuhin nila mom and dad.” paglalahad niya. “Buti na lang nandiyan ka para sa akin.” pagtatapos niya na siyang ikinabigla ko. Tiningnan ko siya, ngunit napansin kong nakatalikod na siya mula sa akin kaya hindi ko na siya sinagot.

Matapos noon ay wala na akong narinig pa mula sa kanya. Lumipas pa ang ilang minuto at I assumed na nakatulog na siya, at kahit ako man ay unti-unti ko ng nararamdaman ang antok.

“Gab...” saad ni Justin na muling nakapagpasing sa akin.

“Hmm?” tanong ko sa kanya.

“Sorry for asking, but... do you find me attractive?” tanong niya na siyang ikinagulat ko.

Naramdaman ko ang pag-alog ng kama na siyang dahilan kung bakit ako napatingin sa pwesto niya. Napansin kong nag-iba ito ng pwesto at tuluyan na niyang iniharap ang katawan niya sa akin. Doon ko napansin ang mapupungay niyang mga mata, at ang gulu-gulo niyang buhok na siyang lubusang bumagay sa kanya.

“Huh?” hindi ko pa rin makapaniwalang tanong. Napansin kong lalo pa niyang inilapit ang ulo niya sa akin. Itinapat niya ang labi niya sa tainga ko at bumulong.

“Ewan ko ba, Gab..., but for someone na ngayon lang nagkaroon ng ganitong relationship, I don’t know why, but I really, really find you attractive.” bulong niya na siyang nagbigay sa akin ng kakaibang sensasyon. Ramdam ko ang init sa hininga niya, naaamoy ko ang pinaghalong pabango at toothpaste niya. Ewan ko ba, pero noong mga oras na iyon ay naisip kong mayroon siyang pinapahiwatig at hindi naman ako inosente para hindi ko malaman kung ano iyon. Nanatili ang bibig niya malapit sa tainga ko kaya naman lalo pang nagtagal ang pagdama ko sa hininga niya na siyang lalong nagpapaigting ng kanina ko pa nararamdaman.

“A-attracted din naman ako sa’yo...” nauutal kong tugon. Naramdaman ko ang pagngiti niya sa tainga ko at ang mahinang pagtawa na resulta ng sinabi ko. “Good.” pahayag niya. “And uhm... Gab, if you don’t mind... are you still a virgin?” tanong niya bago bumangon at tanggalin ang t-shirt niya. Lubusang nagising ang diwa ko sa ginawa niya. Ngayon ay alam ko na, sigurado ko na, kung ano ang gusto niyang iparating. Wala na akong haka-haka pa dahil sa tanong niyang iyon. Hindi ko alam kung ano ang mararamdaman ko. Unang beses pa lamang mangyayari sa akin ito kasama ang isang lalaki, kung sakali kaya naman nakikipagtalo na ako sa sarili ko kung bibigay ba ako o ano. Naisip kong may relasyon naman kami, kaya ayos lamang iyon, ngunit naisip ko rin na masyado pang maaga. Isa pa, natatakot din ako, dahil truth to be told, I was never sexually active. Kaya naman ang mga ikinikilos niya ngayon ay sobrang bago para sa’kin.

“N-no. I-ikaw ba?” nanghihina kong sagot sa kanya. Pinagmamasdan ko pa rin siya sa harapan ko. Hindi ko ikakailang maswerte ako dahil isang lalaking tulad niya ang boyfriend ko ngayon. Ewan ko ba pero masasabi ko lang na kahit sinuman ay matutuwa kung makikita lang nila ang nakikita ko ngayon. Napansin kong napangisi siya sa naging sagot ko. Bumalik siya sa pwesto niya kanina at muling inilapit ang labi niya sa tainga ko. “Find out for yourself.” pahayag niya bago niya tuluyang higupin ang lakas ko.

Naramdaman ko na lamang ang mainit niyang mga halik sa pisngi ko, pababa sa leeg ko kung saan siya nagtagal. Hindi ko ikakailang ang ginagawa niya ay nagdudulot ng kakaibang sensasyon sa katawan ko. Noong una ay nakikipagtalo pa ako sa sarili ko kung hahayaan ko siyang ipagpatuloy ang ginagawa niya, ngunit nang laliman pa niya ang mga labi niya sa leeg ko ay tuluyan na akong nagpaubaya hanggang sa ako na ang humahawak sa batok niya para huwag siyang huminto.

Ilang saglit pa ay naramdaman ko na lamang na itinaas niya ang t-shirt ko hanggang sa mahubad niya ito. Matapos noon ay ipinagpatuloy pa rin siya sa ginagawa niya sa leeg ko hanggang sa maramdaman ko na lamang na hinahawakan na niya ang harapan ko na siyang dahilan kung bakit ako napa-ungol. Dahil sa narinig niya ay naramdaman ko ang pilyong paghagikgik nito bago niya ipagpatuloy ang ginagawa niya, hanggang sa tuluyang himasin na niya ito. Unti-unting bumaba ang mga halik niya sa dibdib ko. I felt his warm lips on my right nipple kaya naman napasinghap at napa-ungol na ako.

Nagtagal siya doon habang hawak pa rin ang harapan ko, at aaminin kong hindi ko maipaliwanag ang sarap na nararamdaman ko. Puro singhap at ungol lang ang naririnig ko sa kwarto. Dito ko nalaman na he likes taking things slow, if you know what I mean. Ilang sandali pa ay patuloy niyang ibinaba ang mga halik niya sa tiyan ko. All the time ay hawak pa rin niya ang harapan ko na siyang lalong nagpapasarap sa pakiramdam nang biglang bumalik ako sa realidad.

“Oh, shit. Wait, Justin. May tumatawag sa akin.” pagpapanic ko. Tumigil naman siya sa kanyang ginagawa at masusi lamang akong pinanood habang kinukuha ko ang cellphone ko sa side table niya. “Hello, Selah?” bungad ko. “Kuya! Tita Sylvia called here and she told us na diyan ka daw matutulog. Is that true?” tanong niya. “Uhm, yeah. Biglaan lang. Sorry nakalimutan kong magpaalam. Buti na lang pala tuma—waaag si tita diyan.” nagsasalita ako nang maayos nang bigla na namang ipinagpatuloy ni Justin ang kanyang ginagawa kanina na siyang dahilan kung bakit pumalya ang boses ko. Tiningnan ko siya ng masama ngunit hindi niya ako pinansin at imbes ay ipinagpatuloy lamang niya ang ginagawa niya sa katawan ko. Pilit kong pinakikinggan ang sinasabi ng kapatid ko kahit pa nasisiraan na ako ng bait dahil sa ginagawa ng kasama ko.

“Right?” tanong ni Selah. “Oo... yeah. Ahh.” hirap kong sagot sa kanya. “Kuya, are you okay? Parang you’re out of breath.” nag-aalalang tanong niya. Tinapik ko ang balikat ni Justin para tumgil siya sa kanyang ginagawa ngunit hindi pa rin niya ako pinapansin. Gustong-gusto ko na siyang patigilin, pero ayaw kong matapos itong sensasyon na nararamdaman ko. “O—okaay lang ako, Selah.” sagot ko sa kanya, pilit pa rin nilalabanan na hindi niya mahalata ang sitwasyon ko ngayon. “Okay, then kuya. Ay—may kwento pala ako sa’yo!” excited na tugon niya. Nang maramdaman kong binababa na ni Justin ang garter ng pyjama kasama ng brief ko ay nanlaki ang mata ko at nagpanic na ako. “Selah! Good night na! I need to go, bye!” nagmamadali kong saad bago putulin ang tawag.

“Justin! What the fuck?!” sita ko sa kanya. Tumigil siya sa kanyang ginagawa at nagtatawa ng parang walang bukas. “You should’ve seen your face! I doubt hindi nahalata ni Selah ‘yon!” natatawa pa rin niyang tukso sa akin. Ramdam kong pulang-pula na ang pagmumukha ko sa pinaghalong hiya at inis dahil sa nangyari. “Not funny.” pikon kong sabi sa kanya bago ko tuluyang isuot muli ang hinubad na t-shirt ko at bumalik sa pagkakahiga—patalikod sa kanya.

“Aww, babe. That was a joke. Pero seryoso, ituloy na natin, please? I know that wasn’t enough.” pag-aalo niya sa akin. Naramdaman ko ang pagpulupot ng mga braso niya sa katawan ko. “The fuck, babe? No.” pagmamaktol ko pa rin. Pero truth to be told, ngayon parang nakakaramdam na ako ng something. Sa ayos namin ngayon, para kaming ewan, mag-asawa? Ewan ko ba, pero may kakaiba talaga akong nararamdaman ngayon. Hindi ko rin masigurado kung ano iyon, pero what I’m sure of is that it’s something positive. “Good night, babe.” pagpilit pa rin niya, at wala na rin akong nagawa.

“Good night rin... babe.” wala sa loob kong sagot.

--

“Oh my God, Gab. Tangina lang. Nakakahiya nga.” reaksyon ni Trisha matapos akong magkwento sa kanya. “Pero shit lang, I didn’t expect that from him. Akala ko ikaw ang unang gagawa ng move.” dugtong niya na siyang naging dahilan para batukan ko siya. “Ouch, pero seryoso ang funny talaga. And he called you babe!” at ngayon ay nagsimula na siyang tumawa. Napabuntong-hininga ako. “Pero sayang talaga at naudlot! You didn’t see his... anyway and buti na lang inosente ‘yang sister mo. If ako ‘yung kausap mo sa phone, nahuli agad kita for sure and... I might have joined you hihi.” pahayag niya. “Okay. That’s just... creepy.”sagot ko sa kanya.

“I’m kidding of course. If that happens, papalabasin kita ng room para ako na lang ang--“ hihirit pa sana siya nang bigyan ko siya ng isang pamatay na tingin para magtigil na siya. “Okay... stop na nga, eh. Anyway, kamusta na kayo ni Caleb?” tanong niya. At dahil sa naging tanong niya ay nawala ang atensyon ko sa kanina pa namin pinag-uusapan kahit pa pahiyang-pahiya na ako sa kanya. “You know, after noong confrontation niyo? Okay na ba kayo?” concerned na tanong niya.

“Palagi niya akong ina-approach. I tell him that I have already forgiven him everytime, which is true, pero ayaw ko pa siyang makausap.” sagot ko sa kanya. “Kaya lang, ang awkward sa bahay.” dugtong ko. Tumango naman si Trisha, parang iniintindi ang sinabi ko. “Uhm, ‘di ba single pa siya? Pakilala mo naman ako.” pahayag niya na siyang dahilan para mabatukan ko siya. “Ang landi.” bulong ko kaya ako naman ang nabatukan.

--

Lumipas pa ang ilang araw at nagpatuloy lamang ang mga karaniwang nangyayari. Kakatapos lamang ng midterms namin at unti-unti ng palapit ang sembreak. Okay naman ang mga nangyayari sa bahay, except for one thing—si Caleb. Ewan ko ba, pero parang sumuko na rin siya, dahil hindi na niya rin ako pinapansin, ngunit ipinagsa-walang bahala ko na lamang iyon dahil alam kong kailangan lang namin siguro ng space mula sa isa’t-isa bago kami mag-usap. Si Trisha naman ang palagi kong nakakasama sa araw-araw dahil for some apparent reason ay naging busy si Juno sa isang bagay na ayaw niyang sabihin sa amin.

At si Justin?

Ewan ko ba, pero simula nang may nangyari sa aming dalawa noong makitulog ako sa kanya ay napansin kong nagiging mas malapit na kami sa isa’t-isa—emotionally, and uh, physically that is. Madalas na siyang mag-open up sa akin tungkol sa pamilya niya which is a good thing. At as for the physical aspect, he finally kissed me, at hindi lang basta kiss, we made out. As unusual as it may sound, everytime we get the chance to do it in private, ginagawa namin iyon, at siya palagi ang nagi-initiate noon.

When our lips met for the first time, naisip ko kung totoo ba ‘yung sinasabi nilang sparks. With Justin, siguro totoo nga. Pero I sensed something different, and I can’t quite put my finger on what it is. One thing’s for sure, I felt the emotion tuwing ginagawa namin iyon, pero mayroon pa akong ibang naramdaman—lust? Ewan ko ba, pero I just know that we’ve taken our relationship to the next level. But we haven’t done “it” yet. We never went too far. Ang nangyari sa amin noong nakitulog ako sa kanila na ang pinakamalala naming nagawa. And I always refuse tuwing inaaya niya akong matulog sa kanila.

Ngayon, naghahanap ako ng magandang ireregalo sa kanya for his birthday. Kanina pa ako nandito sa mall—magda-dalawang oras na ata, ngunit wala pa rin akong mahanap kaya nauurat na ako. Hindi ko naman kasi alam kung ano ang ibibigay ko sa kanya. Unang-una, halos lahat ata ng bagay ay mayroon na siya eh. Ikalawa, gusto ko ‘yung regalo na special pero hindi magmumukhang cheesy since, uhm, tago ang relasyon namin. Kaya hindi talaga ako makaisip kung ano ang gusto kong ibigay sa kanya, if makikita ko iyon sa mall.

Kaya naman dahil sa sobrang pagod ay nagdesisyon akong kumain muna sa isang fast food chain. Tinext ko na rin ang driver namin na maya-maya na ako sunduin dahil nga wala pa rin akong mahanap na regalo para kay Justin. Inorder ko ang usual na inoorder ko tuwing kumakain ako doon. Nang matapos akong umorder ay umupo ako sa isang bakanteng table at nagsimulang tanggalin ang wrapper ng burger ko nang biglang may isang pares ng mga kamay ang tumakip sa mga mata ko.

Dahil sa pagkagulat ay hindi ko na tinanong kung sino iyon at napabalikwas na lamang ako ng biglaan. Nang madatnan ko kung sino—or rather, kung sinu-sino—ang gumawa noon ay lahat ng pagtataka at gulat ko ay napalitan ng saya, at pangungulila sa mga taong nadatnan ko.

“Josh, Matt. Long time no see.” nakangiti kong bati sa kanila. 

--

Itutuloy...

So what do you think? Leave your comments below. :)