Look Closer 2

"Tara sa taas, may xbox 360 ako doon. Games muna tayo while waiting." Anyaya ko kay Troy.

"Sige. Anong pinakafavorite mo na game?"

"V-rally"

"Talaga?! Wow. Pareho pala tayo. Tara na sa taas" excited niyang sagot.

Nasa ikahuling hakbang na siya ng bigla siyang ma-out of balance.

"Aray! Aldrin, tulong."

"Ano ba naman kasi. napakalampa mo. patingin nga ako."

"Aaaaaah.. Aray. Dahan-dahan lang."

Halos manlumo ako sa nakita ko kaya isinugod namin siya sa pinakamalapit na clinic at tinawagan ang lolo at lola nito. Na-sprain si Troy at hindi siya makakalakad ng maayos for the next 2 weeks.

Kung abutan ka nga naman ng malas. Hindi na natuli, na-sprain pa si mokong.

"Aldrin, ok lang ba kung sa inyo ako makikituloy? Wala din kasi mag-aalaga sa akin sa bahay eh."

Dahil dito, nakiusap ako kay papa at mama na sa bahay muna si Troy dahil na rin sa kalagayan niya at dahil sa bahay din naman siya nadisgrasya.

At sa bahay nga natulog si Troy. Siyempre todo alaga ako sa kanya.

"Aldrin, salamat ha. Sana maging magkaibgan tayo ng matagal na panahon." Mangiyak ngiyak niyang sambit.

"Oh, bakit ka umiiyak?"

"Masaya lang ako kasi ngayon lang ako nakahanap ng taong nag-alaga sakin ng hindi nag-aapura saka hindi ako iniisip na abala." Sabay patak ng luha na kanina pa niya iniimpit na ibuhos. "Bestfriends na tayo ha? Walang iwanan."

"Aaah, eh.. Oo naman.." Pautal-utal kong sagot. Sino ba naman ang hindi mapapaurong ang dila. Isang napakagwapong lalaki ang nasa harap mo na humihingi ng pabor ng panghabang-buhay.

Iyon na siguro ang pinaka sincere na narinig ko mula sa isang tao. haha... Masyadong madrama. Anyway, that's what really happenned.

2 years passed, sobra kami naging close ni Troy na kahit ang mga naging girlfriends niya ay nagseselos sa akin. And if you ask me, I've never been kissed, never been touched (virgin pa? I think not. haha! Oh my gawd). Kidding aside, hindi pa ako nagkakagirlfriend. I do have m.u.'s pero hindi ko pinapansin kasi mas nakatuon ang atensiyon ko kay Troy.

Very fragile itong bestfriend ko kaya walang nagtatagal na girlfriend eh. Mas maarte pa sa babae pagdating sa paghandle ng relasyon.

One time, nagbreak sila ng girlfriend niya, na super crush niya nuon pang elementary kami. Umabot sa point na nagpapakalango na siya sa alak. Dinamayan ko ang mokong para naman hindi niya maramdaman na wala siyang kakampi.

Sinasabayan ko na lang ang lahat ng trip niya pati mga sinasabi dahil alam ko na hindi rin niya maalala lahat ng mapag uusapan naming dalawa. So I laid a half meant joke.

Hinawakan ko siya sa kamay at buong tapang kong sinabi na... "Troy, dre, matagal na kitang gusto..." Tingnan ko nga kung anong sasabihin mo (sa loob-loob ko)

Biglang tumahimik.

"Hoy Troy. Joke lang un! Ano ka ba! Para kang timang. Hindi ka na naman nagsasalita." Binawi ko agad ang sinabi ko dahil alam ko kung saan pupunta ang usapan.

"..." Matagal na katahimikan. "Uuwi na ako Aldrin" bigla niyang iwas sa akin at tumakbo siyang palabas ng bahay.

Puzzled ang dating ko. Hindi ko alam kung ano ang nangyari. Kung ok na ba siya o hindi pa. So natulog na lang ako at nagdecide na bukas na lang siya tatawagan. Sakto namang friday today.. Bakasyon bukas...

Samantala, mabilis na umuwi ng bahay si Troy.

"Pano niya nasabi iyon! May usapan kami. Aaaaaaargh! Ano ba nangyayari sa kanya. Nahihibang na ba siya. Alam naman niyang hindi pwede." Pagsasalita niya ng mag-isa.

Tarantang taranta siya na halos lunukin na rin niya pati baso na iniinuman niya ng tubig para mahimasmasan.

Pagbalik niya sa katinuan, pinilit niyang kalmahin ang sarili bago niya hawakan ang cellphone at nag umpisang mag dial ng numero.

(Riiiiiiinnnngggggg)

"Hello? Gabi na. Sino ito?"

"Aldrin..."

"Oh Troy... Matulog ka na, hindi pa maayos ang..."

"Kailangan natin mag-usap bukas"

Bigla akong natakot sa anumang pag-uusapan namin ni Troy. Alam ko kung paano ito maging seryoso at magbitaw ng salita. This time, very serious ang mangyayari... Pinapangunahan ko na.

To Be Continued